Ösbethen

Der Artikl is im Dialekt Soizburgarisch gschrim worn.

Ösbethen Ejsbethen
Baasisdaaten
Bundeslaund:	Soizburg
Politischer Bezirk:	Soizburg-Umgewung (SL)
Flächen:	24,16 km²
Koordinaten:	47° 46' N, 13° 5' O
Heechen:	439 m y. A.
Eihwoner:	5047 (1. Jän. 2006)
Bevökerrungsdichten:	209 Eihwoner pro km²
Postlaatzoi:	5061
Vurwoi:	0662
Gmoandkennziffer:	5 03 09
NUTS-Region:	AT323
Gmoandvawoitung:	Pfarrweg 6 5061 Elsbethen
Netzseiten:	www.gde-elsbethen.at
Politik
Burgermaaster:	Frånz Tiaffmbocher (Franz Tiefenbacher) (ÖVP)
Gmoandroot: (2004)	13 ÖVP, 7 SPÖ, 4 ULE : Unabhängige Liste Elsbethen, 1 FPÖ
's Schloss Goidenstoah

Ösbethen, óder aa Ejsbethen (Hochdaitsch: Elsbethen) is a Ortsgmoand im Soizburger Lånd im Bezirk Soizburg-Umgewung in Ésterreich mid 5.047 Eihwóner.

Geograafie

D' Gmoand liegt unmitlbor sydléch ans Stodgebiet voh da Låndeshauptstod Soizburg ågrenzerd im Flochgau im Soizburger Lånd. Teile vom Gmoandgebiet han infrastrukturö éng mid da Stod-Soizburg vawoxen. Ösbethen gherd zur da Agglómarazión voh da Stod-Soizburg.

Zua d' heexten Erhéwunger in Öisbethn zöjn da Schworzenberg (Schwarzenberg) (1.334 m), d' Gurlspitzen (Gurlspitze) (1.158 m) und da Müjstoah (Mühlstein) (1.059 m).

Katastroigmoanden

Katastroigmoanden voh Ösbethen han: Gloosenboch (Glasenbach), Ösbethen (Elsbethen), Heechwoid (Höhenwald), Hinterwinké (Hinterwinkel), Ówerwinké (Oberwinkel), Vurderfooger (Vorderfager) und Hoosloch (Haslach).

Gschichd

930 n. Chr. is Ösbethen 's erste Moi ois Campanuaua urkundléch dawänt worn. Noch 1945 hod a alliirds Gfångernenlooger ba Gloosenboch existird. Im Zug voh da Entnazifizierrung und da Reeducation han noch 'm Zwoaten Wödkriag Ågherige voh d' naziónoisoziaalistischen Organisaziónern und muatmoossliche Kriagsvabrecher im Looger Gloosenboch unter Arest gstöd worn.

Woppm

's Woppm voh da Gmoand is: „A róud vur góid gspoiternem Schüd, do drinnerd zwoa zuaranånder gherten, forbvawexelten hoiwe Stoahbéck.“

Politik

Da Burgermoaster is da Diplómingeniör Tiaffmbocher Frånz voh da ÖVP, da Vizeburgermoaster is da Hooslauer Wastel voh da SPÖ.

Seengswirdigkeiten

Museen

's Hoamadmuseum „Zum Puifermocher“ gibt an ser an guaden Eihblick in d' Gschicht voh Ösbethen. Auf drei Stóckwerk kå ma tausende Expónaate, dé voh da Urzeid (Fóssilien) bis heid reichen, betrochten. D' Schwarbunkte vom Museum liengern bei da ehemooling Schworzpuiferpródukzión (dé 1918 eihgstöd worn is), bei da Gschicht und Naturgschicht voh Ösbethen, sówia bei da baierlichen Orweidswöd voh friarerne Jor.

's Museum beinhoitt eemfois a sógnånnte „Dorfstross“, dé an historischen Ywerblick ywer d' ehemooling håndwerklichen Betriawe voh Ösbethen biatt. Durten kå a Keraamiker, a Buachbinderrei sówia a oids Klassenzimmer betrochtt wern.

Bauwerke

's Berymterste Bauwerk in Ösbethen is woi as Schlóss Góidenstoah dés heidztoog a privaate Maadelschui bherbergt, dé aa d' Schneider Romy bsuacht hod. In da unmittelborn Naachernd zum Schlóss befindt sé d' gótische Pforkircher zua hl. Elisabeth.

Naturdenkmäla

Da Stådlakésse (Strudlloch)

Zua dé bekãnntastn Naturdenkmäla vô Öisbethn zöihn d' Glåsnbåchklãmm. Sie is Erholungsgebiet und a beliabts Wãndagebiet bei d' Bewohna vô Öisbethn und vô Såizburg. Bekãnnt is d' Glåsnbåchklãmm fir d' fossiln Funde wia zum Bàispüi vô am Fischsauria, wöicha im Haus vô da Natur in Såizburg ausgstöid is. A wàidare Bsundahàit san dé durch 'n Gebirgsbåch fràiglégtn 200-Millionen Jåhr åidn Föisformazionen, dé zrugg in d' Jurazàid vom Erdmittlåita gengan. Dådurch kã d' Entstéhungsgschichd vô d' Åipm vôm ainsting Mearesbodn bis zum hàiding Gebirg ausschnittswàis betråchtt wern.

Wàidare Naturdenkmäla und eemfåis beliabts Wãndazüi san d' Troggane Klãmm (Trockene Klamm) und da Àrchstoâ (Archstein) im Südn vô da Gmoând.

Naturdenkmäla dé weniga åis soichane bekãnnt san, is d' Lindn bàim Puivamåcha-Guat in Glåsnbåch, da Àkàzienbàm bàim Salitara-Guat, d' Hoizhàisllindn bàim åidn Fàiaweahàisl, d' Lindn bàim Roâberg-Guat, da Riesnàhorn auf da Schwårzbergåim in Gfåis sowia da Stådlakésse (à Strudlloch gnãnnt).

Sport

D' Sportãlåg vô Öisbethn bsizt ân Fuasbåiblåz, drài Tennisbläz, an Beachvolleybåiblåz sowia a Asfåitbãh firs Stokschiasn.

Vakea

Öisbethn liegt dirket ãn da Såizburg-Tirola-Bãh. Dé im Jåhr 1993 daöffnete Håitestöi Såizburg-Süd liegt auf Öisbethna Gmoôandgebiet im Ortsteil Glåsnbåch, ausadém gibt 's no d' Håitestöi Öisbethn. Bàide san durch d' Linie S3 vô da S-Bãh Såizburg in am 30-Minutn-Tàkt ãn an Hauptbãhhof Såizburg ãgschlossn. Zur Håitestöi Såizburg-Süd fåarn wàitas d' O-Bus-Linien 3, 7 und 8 vôm Stådingarischn Busnetz.

Büidung

In Öisbethn befindt sé a Kindagårtn, a Voiksschui sowia a priwàte Màdlschui.

Persönlichkàitn

Eernbürga

Eernbürga vô da Gmoând san (d' Jåareszåih gibt as Jåar vô da Valàiung ã):

• Höfé Sepp (Josef Höfel), Schandamariewåchtmoasta, 1909
• Empé Jàkob (Jakob Empel), Pfåara in St. Jàkob ãm Thurn, 1913
• Ràita Frãnz (Franz Reiter), ehm. Buagamâsta, 1948
• Siwa Àlexanda (Alexander Siber), Owaleara/Gmoândsekretär, 1951
• Fruastorfa Kårl (Karl Fruhstorfer), ehm. Buagamâsta, 1954
• Prof. Fischa Frãnz (Franz Fischer), Owaleara/Gmoândsekretär, 1957
• Dipl.-Ing. Giga Ànton (Anton Giger), Hofråt, 1958
• Herbst Hãns (Johann Herbst), ehm. Buagamâsta, 1960
• Ing. Techn. Råt Ennemosa Felix (Felix Ennemoser), Bausåchvaständiga, 1961
• OAR. Tauch Sepp (Josef Tauch),Lãndesbeãmta, ehm. Buagamâsta, 1990

Litaratur

• Dr. Kårl Robert (Robert Karl): „Elsbethen. Ein Ort im Wandel der Zeiten“. Herausgeber: Gemeinde Elsbethen, 1994

Weblinks

Commons: Elsbethen – Buidl, Videos und/oda Audiodatein

• www.gde-elsbethen.at (Nétzseiten ywer d' Gmoand)

Stéd und Gmoanden an Bezirk Soizburg-Umgeewung (Flochgau)

Anif | Antherring | Bergham | Berndorf | Byrmóus | Dorfbeiern | Ewenau | Elixhausen | Ejsbethen | Eingdorf | Foastnau | Fusché | Gróssgmoah | Géming | Grédig | Hoiwång | Hehdorf | Hintersee | Hóf | Kóppé | Késtendorf | Lampéhausen | Mottsee | Neimorkt | Nussdorf | Ówerndorf | Ówertrum | Ploahfejd | Schleedorf | Seeham | Seekirer | St. Georng | St. Gieng | Strosswoicher | Strówé | Thoigau | Wois-Siazenham