Ü
Aus Wikipedia
| Der Artikl is im Dialekt Owaöstareichisch gschrim worn. |
| Ü | ü |
| groß gschrim | kloa gschrim |
S'Ü (kloa gschrim ü) is a Buchståb vum lateinischn Alphabet, des aus am U mid am Trema (oda "Umlaud") bestehd.
Inhoitsvazeichnis |
[dro werkln] Vawendung
[dro werkln] åis U mid Umlaud
Im Deitschn güit s'Ü åis a U mid Umlaudpunktal drüwa, ned åis komplett eigna Buchståb. S'Ü kãu fia'n lãngen Laud [yː] oda fia'n kuazn Laud [ʏ] steh, s'kuaze [y] gibt's im Deitschn netta in Fremdweata. Altanativ zu am Ü kãu ma im Deitschn aa UE schreim, wås hauptsächli gmåcht wiad, wãun a Ü technisch ned möglich is.
Aus'm Deitschn is s'Ü in skandinavische Språchn wia s'Schwedische eidrunga, wo's tyskt y („deitsches Y“) gnennd wiad und netta in Wöata voakimmd, de aus'm Deitschn stãmmen.
Entwückid håd si s'U mid Umlaud aus am U mid am kloan E drüwa (Uͤ), des mid da Zeid zu zwoa Punktal ågwãndlt woan is.
[dro werkln] åis U mid Diarese-Zeichn
Im Spanischn, und Katalanischn wiad s'Ü gschrim, wãun ma kennzeichna muaß, dass a U in am Woat ned stumm is, sondan åis U auszsprecha is. D'Buchståmkombinazion gue wiad nämli im Spanischn åis [ge] ausgsprocha, güe åwa åis [gue]. Im Frãnzösischn gibt's s'Ü netta in a poa Eignnãmen wia in Capernaüm, im brasilianischn Portugiesischn ghead's zwåa eigntli aa gschrim (qüinqüelíngüe „fümfspråchig“), wiad åwa imma öfta ausglåssn. Im Rest vum portugiesischn Språchgebiet schreibt ma ka Ü ned.
[dro werkln] åis eignes Zeichn
In vüi Tuakspråchn, im Ungarischn und im Estnischn stehd s'Ü fia'n Laud [y]. Im Ungarischn kennd ma aa nu a Ű, des fia den söiwn Laud stehd, wãun a lãng is [yː].
In de chinesischn Umschriftn Pinyin und Wade-Giles stehd s'Ü emso fia's [y], wobei ma de Punktal im Pinyin netta schreibt, wãun a Woat ohne de Punktal vawexlt wean kentad. Auf de chinesischn Tastatuan gibt's åwa ka Ü ned, drum nimmd ma in da Rögi s'V, des eh sunst ka Vawendung ned håd. De austronesische Språch Rotumanisch kennd s'Ü emfåis åis Zeichn fia's [y].
[dro werkln] Dåastellung am Rechna
Im Unicode is s'Ü an de Codepunkte U+00DC (da Großbuchståb) und U+00FC (da Kloabuchståb) voahãndn. Desöim Stöin belegt's in ISO 8859-1.
In TeX kãu ma s'Ü im Textsåtz mid de Befehle \"U und \"u und grafischn Såtz mit \ddot U und \ddot u schreim.
Im HTML gibt's de benãnnten Zeichn Ü fia's große Ü und ü fia's kloane ü.
