Übasee (Cheamgau)
| Der Artikl is im Dialekt Obaboarisch (Cheamgau) gschrim worn. |
| Übasee |
||
 |
|
|
| Basisdatn | ||
|---|---|---|
| Bundesland: | Bayern | |
| Regierungsbezirk: | Obabayern | |
| Landkroas: | Traunstoa | |
| Hechn: | 525 m ü. NN | |
| Flächn: | 30,53 km² | |
| Eiwohna: | 4899 (8. Nóv. 2007) | |
| Beväikerungsdichtn: | 160 Einwohner je km² | |
| Sonstige Datn | ||
| Postleitzoi : | 83236 | |
| Vorwoi: | 08642 | |
| Kfz-Kennzeichn: | TS | |
| Gmoaschlissl: | 09 1 89 159 | |
| Adress vo da Gmoavawoitung: | Kirchweg 1 83236 Übersee |
|
| Hoamseitn: | ||
| Politik | ||
| Buagamoasta: | Marc Nitschke (CSU) | |
Übasee (hoachdeitsch Übersee) is a Gmoa in Obabayern. Sie zäit zum boarischn Sprachraum und is Teil vom Landkroas Traunstoa, a Luftkurort und a ois Blumendorf bschriem.
Inhoitsvazeichnis |
[drå werkln] Geographie
[drå werkln] Log
Übasee liegt im Cheamgau, speziej im Ochadoi am Südufa vom Cheamsee. Duach Übasee duache fliaßt da Übaseea Boch, der gleichamaßn wia de Tirola Achn, de des Gebiet vo da Gmoa im Ostn begrenzt, in an Cheamsee mündet. Übasee gliadat si in de Ortstei Übasee, Fäidwies, Hofanger, Untaland, Luft, Gröben und Almau
[drå werkln] Nachbargmoandn
De benachbarten Gmoandn san Bernau, Grassau, Staudach-Egerndach und Gråmstätt.
[drå werkln] Gschicht
In den Notitia Arnonis taucht da Nam Übasee erstmois um des Jåhr 790 auf. Des Kloasta St. Peter in Såizburg håt scho friah des Obaeigentum üba a baar Giata im Gmoagebiet ghabt, wichtigsta Grundherr war aba seit dem Spadmittloita da boarische Herzog, der in da Mittn vom 13. Jåhrhundert aa de Vogtei üba weiterne Såizburger Besitzungen im heitign Gmoagebiet erlangt håt. Seit 1818 is Übasee a eigene Pfarrei. Seit 1860 is da Ort an da Eisenbahnstreckn Paris-Minga-Wean gleng. De teilweis aus'm 13. Jåhrhundert stammende oide Kira is 1902 a neigotischn Kira gwichn.
Übasee war üba de Jåhrhunderte hinweg übawiegend vo da Landwirtschaft prägt, bis in da Nåchkriagszeit da Tourismus eingsetzt håt, der des Dorf auflem håt lassn. In da Vergangenheit is Übasee regelmaßig vo Überschwemmungen da Tiroler Ache hoamgsuacht worn, bis in de 30er Jåhr vom zwanzigsten Jåhrhundert de Ach mit'm Bau vo am Damm bändigt worn is. Es san bis heit Reste vo zeitweilige Achnbettn inmitten vo Übasee sichtbar.
[drå werkln] Kultur und Sengaswürdigkeitn
- De vor rund 100 Jåhr am 25. September 1904 fertiggstellte römisch-katholische Kira St. Nikolo, in letzter Zeit des Öfteren ois Übaseer Dom bezeichnet, is mit 75 Metern genau so hoch wia da Cheamsee diaf is.
- Des nåch dem Mala Julius Exter benannte Exter Künstlerhaus werd heit ois Galerie betriem.
- De Kira St. Peter und Paul auf'm Westerbuachberg mit de freiglegtn Fresken aus'm 14. und 15. Jåhrhundert.
- In Übasee findn oi Jåhr a Rock open Är und zwoa Dog drauf as Chiemsee-Reggae Festival statt.
[drå werkln] Ökonomie und Infrastruktur
Bedingt duach de Lage inmitten vo See, Bergen und Mooren spuit da Fremdnvakehr a wichtige Rolle. Danem gibt's freilich aa vei Landwirtschaft, und aa industrielle Produktion und Dienstleister. Aa a Fliagafirma håt si dort eingefunden. Im Ortsteil Feldwies direkt am Cheamsee is da Überseer Badestrand, da Segelyachthafen und de Anlegestelle da örtlichen Schifffahrtslinie (die aba nur üba de Sommermonate an des Netz da Chiemseeschifffahrt anbunden ist). De Uferpromenade is mit Gastronomie guat erschloßn. Ebenso verfügt Übersee üba den greßten, direkt am Cheamsee glengen Campingplatz und aa den oanzigen FKK-Badestrand am Cheamsee.
[drå werkln] Buidung
2009 existiern in Übasee:
- zwoa Kindagärtn
- a Schui (4-stufige Grundschui und a 5-stufige Hauptschui, außadem Kurse vo da VHS)
[drå werkln] Vakehr
De A 8 Minga-Såizburg berührt des Gebiet da Gmoa. Mit am Bahnhof håt Übersee Anschluß an de Bahnstreckn Minga-Såizburg.
[drå werkln] Weblinks
- Übasee (Cheamgau): Woppmgschicht vom Haus vo da Bayrischn Geschicht
Anscharing | Bergn | Cheaming | Engeschberg | Fridolfing | Gråmstätt | Grassau | Inzell | Keanberg | Marquartstoa | Nußdorf | Obing | Oidnmarkt an da Oiz | Palling | Petting | Pittnhart | Reit im Winkl | Ruahpading | Schleching | Schnoatsee | Seeon-Seebruck | Siagsdorf | Staudach-Egerndach | Surberg | Tachading | Taching a.See | Tittmoning | Traunreit | Traunstoa | Troschtberg | Übasee | Untawössn | Vachadorf | Waging a.See | Wonneberg
| Der Artike basiart aufara frain Iwersetzung vom söim Artike in da Wikipedia auf deitsch. A Listn mid de durting Autorn kåst durtn åschaun. |
