A echta Weana geht net unta

Seriendatn
Originaltitel:	Ein echter Wiener geht nicht unter
Produktionslaund:	Esterreich
Produktionsjoar(e):	1975-1979
Läng pro Foig:	etwa 45 Minutn
Anzoi vo Foign:	24
Originoisproch:	Deitsch, Weana Mundoat
Idee:	Ernst Hinterberger
Bsetzung
Karl Merkatz Edmund „Mundl“ Sackbauer Ingrid Burkhard Antonia „Toni“ Sackbauer, di Frau vom Mundl Klaus Rott Karl Sackbauer, eanara Sohn Erika Deutinger Johanna „Hanni“ Sackbauer, eana Tochta Rudi Schippel Johann „Schani“ Sackbauer, da Bruada vom Mundl Alexander Waechter Franz Vejvoda, da Freind von da Hanni Liliana Nelska Irma „Irmi“ Werner vaehelichte Sackbauer, di Frau vom Karl

A echta Weana geht net unta (hochdeitsch: Ein echter Wiener geht nicht unter) is a Fernsehserie, die wos vom ORF vo 1975 bis 1980 draht wordn is. Hauptfigua is da Mundl (richtiga Nome is Edmund Sackbauer), gspüüd vom Merkatz Koal. Der is oft sea grantig und zurnig, oba wira öda wiad wiad ara recht liab und nett. De Sackbauers wonan in ana Wonung in Favoritn in Wean. Es get in da Serie oft um Åitågsprobleme. De Serie is unta åndarem deshoib so eafoigreich weu olle Weanarisch redn. Es gibt insgesaumt 24 Foign.

Figuan

Edmund „Mundl“ Sackbauer

Da Mundl is zwoafocha Voda und mit da Toni vaheirat. Ea is Elektrika valiad oba oft sei Hockn, weula si hoid oft ned zruckhoidn kån. Außadem is a Stemma und tringt oft Bia. Ea is um di fümfaviazg Joa oid und schimpft leida aa hoft mid seina Frau und seine Kinda. Ea hod aa an Bruada, den Schani-Onkl.

Antonia „Toni“ Sackbauer

Di Toni is eigentlich a recht a liabe. Si mocht hoit den Haushoit in da Famülie. Wånn da Mundl amoi wieda zua Vanunft brocht wean muass, mocht entweda si des, oda da Schani-Onkl. Am End vo da Serie geht suacht sa si a Oabeit ois Apotekarin. Se wiad von da Burkhard Ingrid gspüd.

Karli Sackbauer

Da Karli is da ödare Son vo de Sackbauers. Er tringt a gean Bia und is am Ånfång a Stemma, so wia da Mundl. Ea heiratet de Irma mid dera a zwoa Kinda kriagt. Von Beruf is a Staplafoara. Da Rott Klaus spüd eam in da Feanseserie.

Hanni Sackbauer

Di Hanni is jünga ois da Karli. Si is in den Dichta Franzi vaknoit. Da Mundl kån den oba ned leidn, weu a si geistig untalegn füd. Drum is di Hanni a oft angfressn aufn Mundl. Di Hanni wiad von da Deutinger Erika gspüd.

Schani-Onkl

Da Schani-Onkl is da Bruada vom Mundl. Ea is sea vastendnisfoi und tringt aa ned so vü wia da Mundl. Wiara si mid da Muada vom Franzi ånfreindt, vasuacht da Mundl des zu vahindan. Da Schippel Rudi vaköapat eam.

Franzi Vejvoda

Da Franzi, zu dem da Mundl nua „Nudlaug“ oda „Dioptrienotto“ sågt, is a Dichta und schreibt aa Höaspüle. Amoi vaschofft a dem Mundl an Postn in seina Fiama. Seitdem akzeptiad a eam. Da Franzi is da Freind von da Hanni. Ea wiad vom Wächter Alex gspüd.

Irmi Werner

Di Irmi is di Frau (zu Begin di Freindin) vom Karli. Ire Ötan ham a Gscheft fia Strickmodn. Am End von da Serie füt sa si vom Karli vanochlessigt. Si kriagt zwa Kinda - den René und di Petra. Di Irmi wiad gspüd von da Nelska Lili.

Außadem kumman voa

• Frau Vejvoda: die Muada vom Franzi
• Martha Werner: die Muada von da Irmi
• Franz Werner: da Voda von da Irmi
• Kurtl Blahovec: da beste Freind vom Mundl, Hausmasta, Nåchtwechta
• Fini Blahovec: die Frau vom Kurtl
• Vitus: da Bruada von da Frau Vejvoda aus Tiroi

Foign

Es gibd virazwanzg Foign de olle zwischn virzg und fuchzg Minutn dauan.

1. Salz der Erde
2. Der Urlaub
3. Die Wohnung
4. Abgründe
5. Der Besuch
6. Das Haus
7. Die Renovierung
8. Unterwelt
9. Die Erbschaft
10. Der Hausabbruch
11. Stille Nacht
12. Jahreswende
13. Großvater
14. Der Enkel
15. Der Unfall
16. Urlaubsfreuden
17. Lauter Zores
18. Veränderungen
19. Gegensätze
20. Die Karrieren
21. Auf und ab
22. Mitte des Lebens
23. Keine Ruh' hat man
24. Alles anders

Weblinks

• http://www.mundl.net/
• http://www.karlisackbauer.at/