Al Swearengen

Aus Wikipedia
Wexln zua: Navigation, Suach
S Gem im Joa 1878

Ellis Albert Swearengen (* 8. Juli 1845 z Oskaloosa, Iowa; † 1904 in Colorado), bekonnta ois Al Swearengen, woa oana vo de Grinda vo da Stod Deadwood, Sid-Dakota. Ea woa Zuahäita und Besitza vom "Gem Theata", am varuafanan Puff. Fia sein Jähzoan, sei Brutalität und sein Mochtinstinkt woar a bekonnt. Ma hod gsogt, ea warad da Pate vo Deadwood gwen.

Lem[VE | Weakln]

Swearengen woa da easchte Eiwohna vo Deadwood, dea wo ned Goid gschiaft hod. Ea hod stoddessn 1876 a kloane Bar, an "Cricket Saloon", aufgmocht. Damit hoda vui Gäid vadeant und hod scho a Joa spada an vui gressan Saloon, s "Gem Theater" eaeffnet. S Gem woar a Varietee und a Bar, dazua owa aa no a Puff. Da Swearengen hod vui junge Weiwaleit auf Deadwood glockt und do brutal zua Prostitution zwunga.

Duach sein Mochtinstinkt is da Swearengen zum mächtigstn Mo vo Deadwood woan. Ea hod an Opiumhondl kontrolliat und Auftrogskiller bschäftigt. Dazu woa des "Gem Theater" a Goidgruam.

Wias "Gem" anno 1879 beim großn Stodbrond zum easchtn Moi obrennt gwen is, hod da Swearengen des Etablissement no gressa und scheena wieda aufbaut. Duach sein Mochtinstinkt und duach Bestechung hod eas gschofft vo Vafoigung vaschont z bliem. Des, obwoi u.a. da US-Marshal Seth Bullock in da Stod sea eafoigreich mit Vabrechan aufgraamt ghobt hod.

Owa wia s "Gem" 1899 no amoi obrennt is, woa da Swearengen Pleite und hod de Stod valossn.

1904 is a z Denver mid oana schwaan Kopfvaletzung (woascheinle duach Gwoitowendung) auf da Stroß dod aufgfundn woan.

Feanseng-Serie[VE | Weakln]

Da historische Al Swearengen is s Voabuid fia de gleichnomige Figur in da Feanseng-Serie Deadwood.

Im Netz[VE | Weakln]