Alkbottle
Aus Wikipedia
| Der Artikl is im Dialekt Ostöstareichisch gschrim worn. |
| Alkbottle | |
|---|---|
| da Start: | 1990 |
| Genre: | Metal, Rock |
| Heitige Besetzung | |
| Gsangl: | Roman Gregory |
| Klaumpfm: | Christian Zitta |
| Klaumpfm: | Didi Baumgartner |
| E-Boss: | Marco Billiani |
| Budl: | Ernst Luttinger |
| Friara mitgspüüd haum | |
| Klaumpfm: | Christian Breier |
| Budl: | Peter Wagner |
Alkbottle san a Weana Rockband, de wos bsundasd in de 90a Joah in Östareich recht präsent woa. Bekaunnt sans vua oim wegn eahnare ironischn und aa deuweis deabm Textln auf Weanarisch.
Inhoitsvazeichnis |
[dro werkln] Musi und Sproch
Stilistisch hoidn si Alkbottle in easchta Linie aun an Rock und Heavy Metal aus de 80a Joah. Se spüün owar aa Coverversionan vo Klassika ausn Rock, ausn Metal und ausn Austropop, nua hoid mit eigane Textln. So haums z.B. aus „Thunderstruck“ vo AC/DC „Fanta Light“ gmocht. Vo da Sproch hea san de meistn Liadln in an modeanan Weana Dialekt ghoidn, bsundast auf de letzn zwaa Scheibm san aa Sochn auf Hochdeitsch. In vüüle vo eahnare Gsangl gehts umma s Tschechan und de Foign vo ana Lettn oigemein, oft garniat mit recht harbe Sprüchln. Zweng dem sans vom Aufaung au ois „tiaf“ kritisiad und aa vom Östareichischn Radiosenda Ö3 boykodiad wuan. Auf da aundan Seitn hod eahna da „Weana Prolo“ – Schmäh aa vüüle Fans eibrocht. De Musika sööwa betonan owa, dass de Textln ironisch und net 100% ernst gmaant san.
[dro werkln] Gschicht
Alkbottle san aum Aufaung vo de 90a Joah aus ana Spülarei vom Roman Gregory (Gsangl) und sein Hawara Peter Fiala entstaundn. 1994 sans in Östareich mit eahnara zweitn Scheibm „Blader, Fetter, Lauter & A Bissl Mehr“ oigemein bekaunnt wuan. Fia des Album haums in Östareich sogoar a goidene Schoiplottn kriagt. Noch Streidarein in da Band haums sa si 1998 aufglest, und da Roman Gregory hod a Solokarrier augfaungt. Trotz oidem haums aa nochn offiziölln End no a poa Konzertln gspüüt, a Live DVD aussebrocht, und a Liadl fiar a Fan – CD vom Fuaßboiklub SK Rapid Wien eigspüüt. 2006 haum sa si aufs Neiche zaumgschlossn.
[dro werkln] Diskografie
[dro werkln] Oibn
- No Sleep Till Meidling (1993)
- Blader, Fetter, Lauter & A Bissl Mehr (1994)
- Wir San Auf Kana Kinderjausn (1995)
- Live Statt Nüchtern (1996)
- Trivialkbottle (1997)
- The Last Of Alkbottle (Doppel-CD) (1998)
- Live im Zelt (Doppel-CD) (2005)
- Hier regiert der Rock n Roll (2008)
[dro werkln] Singles
- Geh Scheissn (1995)
- Fliesenlegen (1995)
- Wir Trinken Auf Rapid (1997)
- 6 Bier (2004)
[dro werkln] DVD
- 5 nach XII - Lights out over Meidling (2002)
