Allach

Aus Wikipedia

De ehemalige Gmoa Allach is seit'm 1. Dezember 1938 (an Vartrog homs am 27. Oktober 1938 gschlossn) a Stodtteil vo Minga. Heid gherdt's zum 23. Stadtbezirk „Allach-Untermenzing“.

Inhoitsvazeichnis 1 Bedeitung vom Nam 2 Gschicht 3 S´Wappen für de Allacher Gmoa 4 Statistik

[dro werkln] Bedeitung vom Nam

Allach kimmt vom oidhochdeitschn „aha“ = Wassa und „loh“ = Woid, es moant oiso „Woid am Wassa“. Des Weatal „loh“ wead im Boarischn ois „loch“ gredt und mid „aha“ zsamm is draus „lach“ gworn.

[dro werkln] Gschicht

Des erschte Moi gnennt worn is Allach am 30. März 774 ois „Ahaloh“. Allach war bis zu seina Eigmeindung oane vo de äidastn seibständign Gmoan' in Bayern.

[dro werkln] S´Wappen für de Allacher Gmoa

Nochm erst´n Weltkriag hod jede Gmoa mit über 4000 Bewohner des Recht g´hobt a eigens Wappen zu hom. So hod dann a Allach oan griagt. Otto Hupp hod dann oans entworfer: In Suaba a greaner, vo am suibana Querboch durchflossanan Schildfuaß, aus dem zwischen zwoa greana Eichbaam a goidana Bischofsstab aufwochst. De Symbolik des Wappens va´einigt oiso de Erinnerung an de Loh mit da Zuag´hörigkeit zum Bistum Freising und verbindet des mit da Lage an da Würm.

[dro werkln] Statistik

(Stand oiwei vom 31. Dezember)

Anno Domini	Einw.	Zuagroaste	Fläche ha	EW/ha	Quelle mit weiteren Daten
2000	26.680	4.652 (17,4 %)	1545,75	17	Statistisches Taschenbuch München 2001. pdf-Download
2001	26.794	4.647 (17,3 %)	1545,75	17	Statistisches Taschenbuch München 2002. pdf-Download
2002	26.903	4.611 (17,1 %)	1545,75	17	Statistisches Taschenbuch München 2003. pdf-Download
2003	26.977	4.450 (16,5 %)	1545,73	17	Statistisches Taschenbuch München 2004. pdf-Download
2004	27.374	4.666 (17,0 %)	1545,15	18	Statistisches Taschenbuch München 2005. pdf-Download
2005	27.586	4.671 (16,9 %)	1545,02	18	Statistisches Taschenbuch München 2006. pdf-Download

Koordinaten: 48° 11' 38" N, 11° 28' 31" O