Allgai
 |
|
|
Des Allgai, hochdeitsch Allgäu, is aa Landschaft, de si übern südlichen Teil vom bayrischn Regiarungsbezirk Schwaabn (Boarisch-Schwaabn), des äißerste südöstliche Baden-Württemberg, sowia a baar zua Östareich ghörige Grenzgebiete erstreckt und sowoi Berg ois a Voralpngebiete umfaßt. In da gesamtn Region Allgai lem in ebba 560.000 Leit.
Inhoitsvazeichnis |
Umgrenzung und Teilregionen [dro werkln]
As Allgai håt koa streng definierte geographische Abgrenzung, oft geht's fliaßend in de benachbarten Landschaftn üba. Insbesondere nach Westn und Nordn ist des da Fall. Da werd von am Grenzsaum gredt, der in ebba in Höhe vo a dachten Linie liegt, de si vo Scheidegg im Landkreis Lindau üba de oidn Ort Wangen im Allgai, Dietmannsried, Kaufbeuren bis nach Schongau am Lech ziagt.
An Nama Allgai nutzn de Landkreis Obaallgai, Ostallgai und Untaallgai in Bayern und as Württembergische Allgai.
Sprach [dro werkln]
In dera Gengad werd net boarisch, sondern es wern schwäbisch-alemannische Mundartn gredt. S' Allgaiarische is net eiheitlich, de Dialekte im Westallgai und im südlichen Oberallgai san niederalemannisch, in da Mittn, im Ostn und im Nordn vom Allgai sans am Schwäbischen zuazumrechnen.
Ökonomie [dro werkln]
Des wirtschaftliche Zentrum und greßte Ståd im Allgai is Kempten (Allgäu) mit 61.500 Eiwohna. De Region lebt bsundas vo da Mille-Wirtschaft und am Tourismus. Es gibt aba aa net wenig Industriebetriebe.
Zum Lesn [dro werkln]
- Alfred Weitnauer: Bei uns im Allgäu, Verlag für Heimatpflege, Kempten (Allgäu)
- Peter Nowotny: Fenster zum Allgäu, Verlag für Heimatpflege, Kempten (Allgäu)
- Norbert Herrmann: Kempten und das Oberallgäu. Bilder aus der Geschichte der Stadt und des Landkreises. Verlag für Heimatpflege im Heimatbund Allgäu, Kempten (Allgäu) 1984 (Titel der 1. Auflage 1963: „Kempter Geschichtsbuch“)
- Lydia L. Dewiel: Das Allgäu: Städte, Klöster und Wallfahrtskirchen zwischen Bodensee und Lech, DuMont, Köln 1985
