Althing

Aus Wikipedia
Wexln zua: Navigation, Suach
Almannagjá - da Gsetzesfejsn am oidn Allthing-Plotz
Logo vom heitign Althing z Reykjavik (s Parlament vo Island)

Althing, isl. Alþingi, hoasst ma s Parlament vo Island. Es losst si bis anno 930 zruckvafoign und ist so s äitaste no existiarande Parlament vo da Wäid. S Althing hod oba ned fuatlaffend bstandn, deshoib guit da Tynwald vo da Isle of Man ois de äitaste duachgengi existiarende Voiksvatretung.

S Althing is seit 1991 a Oakammasystem.

Thing is in oin skandinavischn Sprochn s Wort fia "Vasammlung", "Zammakumpf" und "Gricht". Do is iba Rechtsstreitigkeidn und Vawoitungsoglegnheidn vahandlt worn.

S oide Althing (930 bis 1262) wor a Vasammlung vo oin frein und voijahrign Monna, wo jeds Joar an zwoa Wocha um de Summasunwend z Þingvellir stottgfundn hod. De Teinahm wor vapflichtend fia olle, wo a Mindestvamegn ghobt hom. Fia Kranke, Oide und fia aloa wiatschoftende Bauan hods a Ausnahm gebm. Ma hod si oba am Althing aa vo jemand andan vatretn lossn kena. Ban oidn Althing is vor oim um Rechtsstreitigkeidn ganga und um de Urteisfindung dazua.

Im Netz[VE | Weakln]