Ammagebirg
| Ammagebirg | |
|---|---|
 De Låg vom Ammagebirg in de Ostoipn |
|
| Hegsda Gübfi | Daniel (2.340 m ü. A.) |
| Låg | Grenz Bayern / Tirol |
| Dail fu de | Nördliche Koikoipn |
| Einteilung nach | Da Oipenverein hot's ois AVE 7a eidoalt. |
| Koordinaten | 47° 26′ N, 10° 53′ OKoordinaten: 47° 26′ N, 10° 53′ O |
Des Ammagebirg, (auf hochdeitsch a Ammergauer Alpen oder a Ammergebirge gnannt), is a Gebirgsgruppn vo de Nördlichn Koikoipn in Bayern und Tirol. Des Gebirg is ebba 30 x 30 km groaß und und fangt glei am Oipenrand o. Da hegsde Gipfe is da Daniel mit mit ara Hech vo 2340 Medda.
Inhoitsvazeichnis |
[drå werkln] Geografie und touristische Infrastruktur
Deitschland mit dem Freistaat Bayern khean ebba ¾ vom Ammagebirg, da Rest kheat zu Estarreich mit dem Bundesland Tirol. De Ortschaften Fiassn, Obaammagau, Garmisch-Batakuarch, Ehrwoid und Reutte san um des Gebirg ummadum. Des Ammagebirg is a weng gring in da Hech und nah dro an groaße Stätt wia Minga oda Augschbuag und desweng kenna do a Leit auffe, de ned so guad in de Berg unterwegs san. De meisten Gipfä san ois Tagestourn vo de Ortschaften im Toi aus zu machen. Es gibt a ned vui Oipnvereinshittn. Seilbahna gibts a blos zwoa, auf'n Tegelberg und dem Laba, aba a drei Sessellift: auf'n (Buchenberg, auf's Herale und auf'n Koimsattel. In da Middn und im Südn gibts überhaupt koane Hittn zum schlafen oder a Bergbahna. Im Ammergebirg is ma oft no alloa untawegs und oft san de Platz no so wias friara war. Es is des greßte boarische Naturschutzgebiet. De Grenz zwischen de boarischen Regierungsbezirk Obabayern und Schwom, de a de Landkreisgrenzn zwischn Garmisch-Batakuarch und Ostallgäu is, valaft vo Süd nach Nord mitten durch des Ammagebirg.
[drå werkln] Wirtschaft und Kultur
De Forstwirtschaft hot dem Ammagebirg des Buidl gehm, so wias jetza ausschaugt, sie hot den oidn Urwoid gach umg'modlt und a a groß Forststraßnnetz aufbaut. In vuin Stoin (z.B. am Friederspitz) gibts a Probleme, weil z'vui Schof grosen und desweng de alpinen Grosleit'n erodiern. Im Ammagebirg gibt's a wenig Wiesn und Oima, des meißte is Woid. Friara war nämli des ganze Gebirg de Jagd vom Kini und a de trockna und karstig'n Böd'n san fia d'Oimwirtschaft ned so guad weil se aus Dolomit und Flysch san.
Im Gebirg gibts a berühmte Baukunstwerk. Dazua khearn de Kinischlößa Linderhof und Neuschwanstein aba a des Kloster Ettal.
[drå werkln] Geologie
Geologisch gseng is des Ammagebirg zum greßten Teil aus Hauptdolomit aufbaut, dea markante Gipfä wia de Kreuzspitz buidet. Ma ko song, dass des ganze südliche Ammagebirg aus Dolomit mit a weng Plattnkoik is, und deswegen a bisserl langweilige Forma zoagt. Kompliziertere Wexl in da Schichtfoign vo de Foisn zoagt da nördliche Teil. Do gibt's a neban Dolomit no kleanare Bereich, in denen da Wedastoakoik dominiert. D'Hochplatt'n sowie da Seiling san Barg aus dem Fois. Dazua kemma a no Tonstoa wia Mergel, Sandstoana, Radiolarite, Konglomerate und Kieselkoik de des Landschaftsbuidl beeinflußn. Am Oipnrand siegt ma aber a oft Flysch wia de Hohe Bleick oda a s'Herale). Da Flysch macht wegen seina Erosionsanfälligkeit runde, oft bis nach ganz om hi bewoidete Barg.
De groaße Verbreitung vom Dolomit macht a a typisches Gsicht vom Ammergebirg: De Grias, des san groaße Reißn aus Dolomitschutt de ganz Toia zua machen, wia des Groswangtoi. Des Friadagrias und des Lindagrias san soiche groaßen Schuttflächn. Eine B'sonderheit stoit da Kessel dar, des is a groaßa Dolinentrichta beim Hosntoikopf, der is entstandn, weil da Fois eigfoin is.
[drå werkln] Pflanzenwoid
Weil se de Grias dauernd rian, is des Ammergebirg a ökologisch von hoh'm Wead, denn drum gibts do vui soitene Pflanzn. Im Friedagrias waxt de Spirk'n, a soitena Bam, der blos bei a soichane Schutbewegunga waxn ko. Aba a Bleamal, de's normal nua in de Südalpen gibt waxn in de Ammagaua de Soldanella minima ssp. minima (Eisgleckal) und de Monte-Baldo-Segg'n khean dazua. Ganz sche wertvoll san a de einzigartig'n Block- und Schluchtwoida oda de Buntreitgros-Kiefanwoida. Vo internationaler Bedeitung san a de vuin Hoch- und Niederfuiz. Extensive Wiesnnutzunga wia Magerrasn]], Feuchtgrünland und Borstgrosrasn bereichern de Flora no dazua.
[drå werkln] Seen
Mit dem Plansee und dem Heiterwanger See hot des Ammagebirg zwoa vo de schensten Seen vo Tirol. De Seen san in Tallage (des gibts ned oft in de Nördlichen Koikoipn) und san fjordartig in de bewoideten Bergleitn eig'schnittn. De Ufer san fast ned bebaut. Am Nordwestrand des Gebirgs gibts a no den Alpsee, Schwansee und den Forggensee).
[drå werkln] Fuiz
Im Ammagebirg wean an ebba zwoa Dutzend Fuizlechan alpines Bergkiefan-Hochmoor abbaut und an Kurbetrieb und Wellness-Hotels in da Region g'liefert. Im Fuiz vo de Ammagauer gibts Substanzn, de den Stoffwechsel und Hormondrüsn oreng soin und weist a an hohen Gehalt an Fulvin- und Ulminsäuren auf. Die Fuiz im Ammatoi san da letztn Eiszeit zu verdankn, die voa ebba 10.000 Jahren z'End ganga is.[1]
[drå werkln] Gliederung
[drå werkln] Umgrenzung
Im Nordn is des Alpenvorland de Grenz vom Lech bis zur Luisa. Da Lech is de Grenz im Westn vo seim Austritt in's Alpenvorland bis Reutte. Die Luisa begrenzt des Ammergebirg im Ostn, Südostn und im Südn vo ihrm Austritt in's Alpenvorland flussaufwärts bis in des Ehrwoida Beckn. Im Südwesten is des Zwischentoren g'nannte Toi de Verbindung zwischn dem Ehrwoida Beckn und dem Reuttena Toikessel.
Des Zwischentoren genannte Toi hat a an kloana Pass, dea fast ned auffoit, dea aba de Ammagaua mit de Lechtoia Oipn vabindet.
[drå werkln] Untergruppen
Da Alpenvereinsführer Allgäuer Alpen und Ammergauer Alpen teilt des Ammagebirg in de folgenden Untergruppen ei:
|
|
Die Kreuzspitzgruppe mit da Kreizspitz'n und den Geierkepf stoin den alpinsten Doal vo dem Gebirg dar. Da Hechste Gipfä vom ammagebirg is im südlichn Hauptkamm (Danielkamm).
[drå werkln] Benachbarte Gebirgsgruppn
Des Ammagebirg grenzt an foigende andere Gebirgsgruppn vo de Oipn:
- Allgeier Oipn (im Westn)
- Lechtoia Oipn (im Südwestn)
- Wedastoa (im Südn)
- Estergebirg (im Ostn)
Im Nordn grenzen des Ammergebirg ans Oipnevorlans.
[drå werkln] Ortschaften
- Obaammagau
- Eatl / Graswang / Linderhof
- Untaammagau
- Seigruab / Altenau / Wurmansau
- Bad Koigruab
- Bad Baiasuin
- Hoiblech
[drå werkln] Tourismus
[drå werkln] Fern- und Weitwanderweg
De Via Alpina, a Weitwanderweg mit fünf Teilweg durch de ganzn Oipn, valaft a durch des Ammagebirg. Da violette Weg vo da Via Alpina valaft mit drei Etappen wia foigend durch de Ammagaua:
- Etappe A60 vo Garmisch-Bartakuarch noch Linderhof
- Etappe A61 vo Linderhof zur Kenznhüttn
- Etappe A62 vo da Kenznhüttn nach Fiassn
Im Toi zwischn Untaammagau, Obaammagau, Eatl und Schloss Linderhof gibt's im Winta vui und sea schneasichare Loipenverbindunga. Jeds Johr am ersten Wochenend im Februar is do da bekannte König-Ludwig-Lauf.
Alpinskschifohrn ko ma in:
- Obaammagau
- Bad Koigruab
- Untaammagau
In Bad Koigruab gibt's a 4,5 km lange Rodelbahn vom Hearale runter.
Im Summa ko ma auf vui Wanderweg rumhatschn z. B.:
- Obaammagau - Untaammagau (Da Oidherrnweg)
- Obaammagau - Eatl (Da Voglherdweg)
- Obaammagau - Linderhof (Da Sunnanweg)
[drå werkln] Berghittn
Auf da boarischn Seitn vom Ammergebirg gibt's drei Hittn vom Oipenverein, auf da Trulla Seitn koa oanzige.
- August-Schuster-Haus auf'm Pürschling: 1564 m, des ganze Johr bewirtschaftet, im November zua, 54 Bettn, 12 Buga, Gehzeit vo Untaammagau : 2 Stundn
- Brunnakopfheisa: 1602 m, vo Pfingstn bis Oktober bewirtschaftet, 35 Buga, Gehzeit vom Schloss Linderhof: 1,75 Stundn
- Hearndlehittn: 1390 m, im Summa vo Anfang Mai bis Ende Oktober, im Winta vo Anfang Dezember bis Ende März bewirtschaftet, im April und im November is zua. 23 Buga, Gehzeit von Bad Koigruab: 1,25 Stundn
[drå werkln] Beleg
[drå werkln] Biacha
- Dieter Seibert: AVF Allgäuer Alpen und Ammergauer Alpen, Rother Verlag, Minga 2004, ISBN 3-7633-1126-2
[drå werkln] Im Netz
| Commons: Ammergauer Alpen – Buidl, Videos und/oda Audiodatein |
- Touren und Gipfel im Ammagebirg auf steinmandl.de
- Umgrenzung vom Ammagebirg auf GeoFinder.ch
