Andn

Aus Wikipedia
Wexln zua: Navigation, Suach
Disambig-dark.svg Dea Artikl do draht se um de Berg in Südamerika, des Fedafiech findst unta Antn.
Der Artikl is im Dialekt Owaöstareichisch gschrim worn.

D'Andn san de lengste Gebiagskettn vu da Wöd. Si erstreckt si vum Nordn vo Südamerika (Venezuela, Kolumbien) oiwei da Küstn entlaung bis owe noch Feuerland (Chile, Argentinien). Aa Ecuador, Peru und Bolivien hom eanane hechstn Berge in de Andn, de si üba insgesaumt 7500 Kilometa ausbroatn.

De Andn bestehn aus meahrare parallel liegnde Kettn, zwischn dena se tiafe Täla oda gewoitige Hochebenen kennan. An maunche Stön san de Andn 600 Kilometa broad, zum Beispü beim Altiplano, wo aa da Titicacasee liegt, des is da hechste beschiffbore vu da Erdn.

Da Aconcagua, da höchste Beag vu Amerika, dea an da Grenz zwischn Argentinien und Chile liegt, is gleichzeitig mit knopp unta simtausnd Meta Hächn da hechste außahoib vu Asien. Vü vu de Güpfin san ehemolige Vulkane, wia da Chimborazo (6310 Meta), dem sei Güpfi dea Punkt is, dea am weidastn vum Erdmittlpunkt weg is.

Aufgefoitet hom si de Andn voa 60 Millionen Joa. De Andn san reich an Minerale wia Süba (in Potosí) und Kupfa. A Goid, Schwöfi und Salpeta findt ma in de Andn.