Andreas Goldberger

Andreas Goldberger im Jenna 2007

Da Andreas Goldberger (* 29. November 1972 in Riad im Innkreis, Owaöstareich), gnennd Goidi oda Andi, is a ehemåliga östareichischa Schispringa. Ea wåa in de 1990a-Joa ana vu de eafoigreichstn Springa vu da Wöid und amåi Wöidmoasta im Schifliang. Weng seina positivn Ausstråhlung und weng seim freindlichn, lusting Auftretn is a ana vu de greßtn östareichischn Sympathieträga im Schisprungsport.

Lem

Aufgwåxn is da „Goidi“ in Wåidzöi, wo seine Öitan an Bauanhof betreim. Da Goidi håd an Bruadan und a Schwesta und lebt heid in Mondsee.

Zwischn 1991 und 2005 is a im Schisprungzirkus 175 Måi unta de bestn 10 eineghupft. Seine greßtn Eafoige woan de Siege bei da Viaschãnzntuanee 1992/93 und 94/95, da Team-WM-Titl vu da Noamalschãnzn 2001, zwoa Olympiamedeun 1994, drei Siege im Gesãmtwöidcup, da Schifliang-Wöidmoastatitl am Kuim 1996 und da Schiflugwöidrekoad vu 225 Meta, den a am 19. Mäaz 2000 aufgstöid håd und den 2003 da Matti Hautamäki üwabotn håd. Seine 20 Wöidcupsiege håd a ålle voa 1997 gfeiad, åiso voa am Drognskandal, weng dem a a knåpps håiwads Joa vum ÖSV gspead woan is. Nåchdem a kuaz üwaleng håd, ob a fia a ãndas Lãnd (Jugoslawien) startn soid, is a doch wieda fia Östareich gsprunga, håd åwa an seine greßtn Eafoige åis Anzlsportla nimma in dea Foam ãnknüpfm kina.

Am 17. März 1994 is a åis easta Mensch vu da Wöid üwa 200 Meta ghupft, håd den Sprung åwa ned dasteh kina, wesweng's ka Wöidrekoad woa.

Seit a sei aktive Karriere beendet håd, is a beim ORF Co-Kommentator und Schisprungexperte.

Sportliche Eafoige

Olympische Wintaspiele

Olympische Wintaspiele 1994 in Lillehammer

• Bronz im Anzlspringa (Großschãnzn)
• Bronz im Mãnnschåftsspringa (Großschãnzn)

Wöidmoastaschåftn

WM 1993 in Falun

• Süiwa im Anzlspringa (Noamalschãnzn)
• Bronz im Anzlspringa (Großschãnzn)
• Bronz im Mãnnschåftsspringa (Großschãnzn)

WM 1995 in Thunder Bay

• Süiwa im Anzlspringa (Großschãnzn)

WM 1997 in Trondheim

• Bronz im Anzlspringa (Noamalschãnzn)

WM 2001 in Lahti

• Goid im Mãnnschåftsspringa (Noamalschãnzn)
• Bronz im Mãnnschåftsspringa (Großschãnzn)

Schiflugwöidmoastaschåftn

• Süiwa in Harrachov 1992
• Goid in Tauplitz 1996
• Bronz mit der Mãnnschåft in Planiza 2004

Viaschãnzntuanee

• Gesãmtsiega: 1992/93, 1994/95
• 2. Plåtz: 1996/97
• 3. Plåtz: 1993/94

Wöidcup

• Gesãmtwöidcupsiega: 1992/93, 1994/95, 1995/96
• 3. Plåtz im Gesãmtwöidcup: 1993/94

• 1. Plåtz im Skiflug-Wöidcup: 1994/95, 1995/96
• 2. Plåtz im Skiflug-Wöidcup: 1991/92
• 3. Plåtz im Skiflug-Wöidcup: 1992/93

Anzlwöidcupsiege

20 Weltcupsiege

Datum	Oat	Lãnd	Disziplin
3. Jenna 1993	Innsbruck	Östareich	Großschãnzn
6. Jenna 1993	Bischofshofn	Östareich	Großschãnzn
17. Dezemba 1993	Courchevel	Frãnkreich	Großschãnzn
4. Jenna 1994	Innsbruck	Östareich	Großschãnzn
11. Dezemba 1994	Planiza	Slowenien	Noamalschãnzn
6. Jenna 1995	Bischofshofn	Östareich	Großschãnzn
8. Jenna 1995	Willingen	Deitschlãnd	Großschãnzn
21. Jenna 1995	Sapporo	Japan	Noamalschãnzn
28. Jenna 1995	Lahti	Finnlãnd	Noamalschãnzn
8. Feba 1995	Lillehammer	Noaweng	Großschãnzn
12. Feba 1995	Oslo	Noaweng	Großschãnzn
18. Feba 1995	Vikersund	Noaweng	Flugschãnzn
19. Feba 1995	Vikersund	Noaweng	Flugschãnzn
25. Feba 1995	Oberstdorf	Deitschlãnd	Flugschãnzn
4. Jenna 1996	Innsbruck	Östareich	Großschãnzn
14. Jenna 1996	Engiberg	Schweiz	Großschãnzn
26. Jenna 1996	Sapporo	Japan	Großschãnzn
28. Jenna 1996	Zakopane	Poin	Großschãnzn
11. Feba 1996	Tauplitz	Östareich	Flugschãnzn
9. März 1996	Harrachov	Tschechien	Flugschãnzn

Auszeichnungen

• Österreichs Sportla vum Joa 1993 und 1996
• Ehrnbüager vu da Gemeinde Wåidzöi seit 1996

Im Netz

• Website von Andreas Goldberger
• Andreas Goldberger in da FIS-Datnbãnk

Literadua vo und iwa Andreas Goldberger im Katalog vo da Deitschen Nationalbibliothek