Arbeo fu Fraising

Aus Wikipedia
Der Artikl is im Dialekt Owaöstareichisch gschriem worn.
in Arbeo sei Hoamad heit

Da Arbeo fu Fraising (a Aribo und Arbo fu Fraising gschrim; geboan 723 oda fria in Mais baim heiting Meran in Siddiaroi; gschdoam am 4. Mai 784 in Fraising) woa a mitloitalicha Mönch und fu 764 bis zu seim Dod Bischof fu Fraising.

Da Arbeo is fum Bischof Erimbert, in Bruada fum Heiling Korbinian, eazong woan und hod ois Benedikdina-Mönch a langobardisch-romanische Ausbüdung griagt. Untam dritn Bischof fu Fraising, in Josef, woar a zeascht Presbita und daun Notar und 763 Obt fum neich grinddn Glosda Scharnitz im heiting Diaroi. 764 is a in Josef sei Nofoiga und damid fiata Bischof fu Fraising woan.

Untam Arbeo san fu Fraising aus a d Glosda Innichen im Pustadoi (769) und s Glosda Schliase in Owabaian (779) grindd woan. Zwischn 765 und 768 hod a a d Laich fum Korbinian ois Reliquie fu Mais bai Meran noch Fraising iwafian lossn.

Da Arbeo wiad maunchmoi ois easda Schreiwa fu am westgeamanischn Text, oda easchda "deitscha" Autor, bezaichnet, wai ma seina Feda de zwoaschbrochig Latein und Oid-Boarische bzw. Oid-Alemanische Vokabl-Saumlung zuaschreibt, de heit untam Naumen Abrogans bekaunt ist. Ea hod a d Lemsgschicht fum Heiling Korbinian und fum Rengschbuaga Bischof Emmeram aufgschrim, de a fia de Gschichtsfoaschung wichdig san.

Ea is in Fraising begrom und sei katholischa Gedenkdog is da 4. Mai.

Weak[Werkeln | Am Gwëntext werkeln]

  • Arbeonis episcopi Frisingensis vitae sanctorum Haimhrammi et Corbiniani ("Lemsgschicht fum Heiling Emmeram und in Heiling Korbinian, fum Arbeo, Bischof fu Fraising")

Schau aa[Werkeln | Am Gwëntext werkeln]

Beleg[Werkeln | Am Gwëntext werkeln]