Aufklärung (strategisch)

Aus Wikipedia

Wenn ma vu da Aufklärung im strategisch-militärischn Sinn redt, donn moant ma es Vorgehen, bei dem ma wichtige Informationen üban Feind sammlt. Meistns san des Truppnbewegungen, oba natürlich a Stationierung, Bewaffnung, usw. Wichtig is des zum außafindn wo ma selba und wo da Feind seine Schwächn hod, damid ma sich genau do schützn, oda bzw. n Feind ogreifen konn, ohne selba viel Truppen aufwendn z' miaßn zum an Sieg arringen.

Die militärische Aufklärung hod durch die gonze Militärgeschichte durch a bedeitsome Rolln gspielt, egal ob ma do vu da Steinzeit, vu da Antike, vum Mittelalter oda vu da Moderne redn. Sun Tzu, a chinesischer (China) Militärtheoretiker (Militärtheorie) hod üba die Kriegsführung a scho a Buach gschrim in dem ea a die essentielle Wichtigkeit vu da Aufklärung betont (Kunst des Krieges). Obwohl durch Flugzeuge die Aufklärung leichta is ois wia jemois davua, hod ma des während des Ersten Weltkrieges (Erster Weltkrieg) nid so richtig realisiert, und ma hod sich oft auf longe Materialschlachten einlossn, bei denen nocha die Valuste so hoach worn, dass nid amol da Siega epas vum Sieg kopt hod. Oane vu de gewaltigen Materialschlachten is zum Beispiel Passendale, a Schlocht des Ersten Weltkrieges, de noch am Grenzdorf benonnt is. Ma hätt sich voa ollem an Haufen Soldaten gsport, wenn ma se nid ständig mithilfe sinnlosa Ongriffe und Gegnongriffe in Tod gschickt had. Heit spielt die Aufklärung a viel extrem wichtigare Rolln as wia am Onfong vum 19. Jahrhundert; heit hobn die Amerikaner sogar a eigene Taktik entwicklt, de se "Seek & Destroy" gnonnt hobn, also "Suchen & Zerstören" und wia "Suchen" scho sogt, basiat de Taktik drauf n Feind nua z' finden und den donn so schnell wia möglich aus z' scholtn. Durch oiwei präzisa (Präzision) weadende Waffen, wead de Taktik a oiwei meara an Bedeitung gwinnen, weil ma dadurch die Feinde imma schneller vernichtn konn.