Austin
| Austin | |
|---|---|
| Basisdatn | |
| Gründung: | 1835 |
| Staat: | USA |
| Bundesstoot: | Texas |
| Geografische Lagn: | Koordinaten: 40° 42' N, 74° 00' W 40° 42' N, 74° 00' W |
| Zeitzon | Central Time (UTC-6), zwischn an 8.Mäaz und 1. Novemba UTC-5 |
| Einwohna | 790.390 (Stånd: 2010) |
| Eiwohna Metropolregion | 1.716.291 |
| Spitznåm: | Live Music Capital Of The World |
| Bevölkarungsdichtn: | 1.213 Einwohna je km² |
| Hei: | 149 m ü. NN |
| Flächa: | 651,4 |
| Postleitzahln: | 78701-78705, 78708-78728, 78730-78739, 78741-78742, 78744-78769 |
| Vorwoi: | 512 |
| Politik | |
| Buagamoasta: | Lee Leffingwell (D) |
| Skyline | |
 |
|
Austin is die Hauptstodt und die viatgräßte Stådt vo Texas und liegg am Colorado River. Die Stodt is sea studentisch prägt und a fi texanische Vahältnisse sea ungwöhnlich. Ois treffendes Motto gütt da Slogan "Keep Austin Weird". Austin is a die amerikanische Hauptstodt fi die Livemusigg: In koana ondan Stodt gibs so a groaße Dichte an Musikclubs und Konzeatn.
Inhoitsvazeichnis |
Geographie [dro werkln]
Austin liegg im Südn vo Texas, rund 220 km westlich vo Houston und rund 125 km nordöstlich vo San Antonio.
Klima [dro werkln]
As Klima vo Austin is subtropisch mit hoaßn Summan und kualn Wintan. Die Durchschnittstemparatuan gean im Summa vo 23 bis 35 °C und im Winta vo 4 bis 15 °C. Fruajohr und Herbst san worm. Da Johresniedaschlog liegg bei rund 800 mm. Da meiste foit im Mai (121,4 mm) und da weachste im Jenna (43,4 mm). Austin hot rund 2.650 Sonnestundn im Johr.
|
Monatliche Durchschnittstemperaturen und -niederschläge für Austin
Beleg: WMO
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Gschichtn [dro werkln]
Austin is 1835 untan Nom Waterloo gründet woan und 1838 zugunstn des Gründers da texanischn Republik, Stephen F. Austin, in Austin umbnonnt woan. Seit 1839 is Austin die Hauptstådt vo Texas.
Wiatschåft [dro werkln]
In Austin gibbs vüü bekonnte Årbeitgewa, so zum Beispüü Dell Computer, Facebook, Freescale Semiconductor, IBM, Wincor Nixdorf, National Instruments, Hewlett-Packard und Applied Materials.
Vakeah [dro werkln]
Da Flughåfn Austin-Bergstrom International is 1999 aöffnet woan und liegg 8 km außahoib vo da Stodt.
Medien [dro werkln]
Die Togeszeitung fi Austin is da Austin-American Statesman und außadem ascheint wöchntlich as Vaonstoitunsmagazin Austin Chronicle. Außadem wead aufm Campus da Texas University die Studentnzeitung The Daily Texan aussagem.
Wissnschoft und Foaschung [dro werkln]
Auf da Texas University studian 50.000 Leit, somit is sie oani da gräßtn Univeasitätn des Londes. Außadem gibs aa no einige Privatuniveasitätn.
Sport [dro werkln]
Austin is die gräßte Stodt da USA (noch Bevölkarung), de koa Profimånnschoft in den großen US-Amerikanischn Sportligen hot.
Am 18. Novemba 2012 wead aufn Circuit of the Americas in Austin zum eastn Moi seit 2007 wieda a Formel-1-Rennen in den USA ståttfindn.
Umgebung [dro werkln]
Da östliche Toal is recht Grea und feicht und in da weitan Umgebung gibs vüü Flüsse und Seen, somit gibs a as gonze Johr greane Londschoftn. Wossasport, Kanufohn, Schwimma und as "Tubing" (si auf an Autoroafn an Fluss ochatreim lossn) san deshoib sea beliebt.
Östlich vo Austin is relativ floch, wäarend da Westn sea hügelig is. Sie san a as scheaste Gebiet vo Texas und wean a as Hill Country gnånnt. Doo befindet si, circa 160 km westlich vo Austin, da Exchanted Rock, a 150 Meta hoacha hoibrunda Granitfels, dea aa a beliebtes Ausflugszüü is.
Außadem gibs in da Umgebung a mearare Orte, dee auf a deitsche Gründung hiiweisn, zum Beispüü New Braunfels oda Fredericksburg. Wånn ma mit de Leit in gspräch kimmb, meakt ma aa, dass es deitsche Voafåhn senn.
Städtepartnaschoftn [dro werkln]
Saltillo, seit 1968
Maseru, 1978
Lima, seit 1981
Adelaide, 1983
Ōita, seit 1990
Koblenz, Rheinlond-Pfoiz, seit 1992
Xishuangbanna, seit 1997
Antalya, seit 1998
Orlu, seit 2000
Gwangmyeong
Edmonton
