Austria Television
| Senderlogo | |
|---|---|
| Oigmaane Information | |
| Empfang: | analog terrestrisch, Kabel, Satellit, DVB-T & DVB-H |
| Länder: | Östarraich |
| Eigentima: | Tele München Gruppe |
| Gschäftsfiahra: | Dr. Ludwig Bauer |
| Sendebeginn: | Jenna 2000 im Kawe
18. September 2003 iwa normajn Empfang |
| Rechtsfuam: | Privatrechtlich |
| Programmtyp: | Vollprogramm |
ATV is a privater östarraichischer Fernsehsender. D'Abkirzung ATV scheihd fir Austria Television. Dea Sender wår da erste und fir a ganze Wai' aa da oanzige Privatsender, der wåu in ganz Östarraich terrestrisch (analog und DVB-T), im Kawe (analog und DVB-C), iwa Satellit (nur digitaj, ajso DVB-S) und iwa DVB-H ausgschrajhd werd und tritt ajs dritts bundeswaits Programm newa de zwoa öffntlich-rechtlichn Sender ORF 1 und ORF 2 af. Wai's a Must-Carry-Bestimmung gibt, mous ATV zsamm mit de zwoa ORF-Programm iwa DVB-T, in alle östarraichischn Kawenetz und iwa Satellit zum empfanga sai.
Iwa Digitaj-Satellit (Astra) werd der Sender blåuß vaschlüsslt ausgschrajhd. Drum kå' ma des Programm mit am digitajn Satelliten-Empfänger blåuß dann ooschaung, we' ma a ORF-Digital-Smartcard oda a Premiere-Austria-Smartcard håud und da Empfänger daj Kattn a lesn kånn.
Zirka 94 Prozent vu de östarraichischn Haushajt kinna dean Kanaj empfanga. ATV håud am 1. Juni 2003 zum erstn Maj in bundesaitn, terestrischn Sendebetrieb afgnumma. Sait'm 18. September 2003 wird's Programm aa parallöü iwa Digitaj-Satellit ausgschrajhd.
Vu 1997 bis 2000 håud da Sender W1 ghoißn, schbeida is a dann in ATV umbenannt worn. Vum 1. Juni 2003 bis zum 31. Mai 2006 håud a ATVplus ghoißn und sait'm 1. Juni 2006 hoißt a wieder ATV.
