Bachdoag

Aus Wikipedia
Wexln zua: Navigation, Suach
Der Artikl is im Dialekt Mingarisch gschrim worn.

Ois an Bachdoag oda Rausbachdoag hoasst ma an speziellen Doag, in den ma ebbs einedaucht, ums nacha in dem Doagmantl meist schwimmad im Schmoiz oda Ej' rausz'bacha. Bachdoag ähnlt in da Konsistenz und vo de Zuatatn her am Pfannakuachadoag. Wann ma a Bia nei duat, hoasst ma'n aa Biadoag. Je nochdem, ob de Grundlag siass is (wia Hollablüatn oda Zuckiniblüatn), wead dea Doag neitral glassn oda (wia bei Schwammal) herzhaft gwirzt und gsoizn.

Grundrezept[VE | Weakln]

Zu am hoim Pfund Mäih kimmt a weng a Ej oda flüssiga Butta, zwoa Oadotta, 1/4 Lita Flissigkeit (z.B. a hääis Bia) und a Prisn Soiz. Dea Doag wead ogrüaht und nacha a Stund steh glassn. Noch dera Stund wead des Weisse vom Oa zu am Schnä gschlong und untazong. Dea Doag deaf ned z'flisse sei, sunst hoit'da ned am Guat, des drin daucht wead.

Mit de Flissigkeitn ko ma de Gschmock und de Farb vo dem Doag weidas variiern. So gibt a Weisswein an leicht saialichn Gschmock und an hellan Doag dea guad zum Fisch bassd.

Ma daucht zerscht des Gmias, Fleisch und so weida in den Doag ei und nacha in a hoass' Schmoiz, Ej oda Fett. Do drin lasst mas sprudlnd bacha, bis schee resch is. Kenna duat ma des, wann de Doagkrustn goidgäib bis leicht braun wead.

Vawendung[VE | Weakln]

Da Bachdoag wead füa siasse und soizige Gebäck wäidweid vawendt:

  • Bachans Gmias und Obst
  • Bachane Krustnviecha oda Fiisch, zum Beispui da Fiisch vo de englischn Fish and Chips, in am Bachdoag, der mit am dunkln Ale ogrüaht werd
  • Bachans Fleisch, zum Beispui in da asiatischn Küch, zum Beispui japanische Tempura, oda Chickn Wings

Nachteil[VE | Weakln]

Duach de Vawendung vo weissm Mäih guit dea Doag de Ernährungswissnschaftn ois ned weatvoi, weil weiss' Mäi kaum Mineralstoff und Vitamin enthoit. Des Rausbacha im hoassn Schmoiz is nua dann vom Fettghoit hea bedenkle, wann de Hitzn im Schmoiz z'gring is, weil se de Owafläch vom Bachguat ned schnäi gnua schliasst und des Fett tiaffa in den Doag eidringa ko. Günstig war doo a Erdnussöej herznemma, wei des mid de beste Hitznfestigkeit aufweist.

Generell soit ma des ausbachane Guat in da reschn Krustn sparsam vazehrn, wann ma auf sei Linie acht, weils, aa wanns recht hoass bacha wead, trotzdem fetta is ois andas zuabereits.