Bally Prell
| Der Artikl is im Dialekt Obaboarisch gschrim worn. |
Bally Prell (* 14. Septemba 1922 z Minga; † 20. März 1982 z Minga; eigentli Agnes Pauline Prell), wor a Mingara Vortragskinstlarin und Voikssängarin.
Lem [dro werkln]
De Bally is z Schwabing in da Leopoldstroß 77 ois Dochta vom Mingara Komponistn und Voikssänga Ludwig Prell auf d Wäid kema. Do hodse aa ia Lebm lang gwohnt. Scho ois Fimfjaarige is sie im Mingara Odeons-Soi auftretn und de Zuahera mit iara Stimm begeistat. Sie hod a woache Tenorstimm ghobt, mit der sie aa klassische Arien singa hod kena.
Am 31. Oktoba 1953 is de Bally zan easchdn Moi afm Mingara Platzl aftretn. Mit iam bekanntastn Liad „Die Schönheitskönigin von Schneizlreuth“ hods do an Schenheitswahn karikiad. Zu iam Programm hod a des „Isarmärchen“ ghert, des wo ia Voda komponiat hod. Am Platzl is bis zu iam Lemsend vabundn bliem.
Im Netz [dro werkln]
- Bally Prell (vom Sepp Eibl)
- Bally Prell af Youtube: 1. Bally Prell im BR und 2. Bally Live mit vui bessan Ton und einblendetn Text
| Personendaten | |
|---|---|
| NAMA | Prell, Bally |
| ALTERNATIVNAMEN | Prell, Agnes Pauline |
| KURZBESCHREIBUNG | Münchner Vortragskünstlerin und Volkssängerin |
| GEBURTSDATUM | 14. September 1922 |
| GEBURTSORT | Minga |
| STERBEDATUM | 20. März 1982 |
| STERBEORT | Minga |
