Bauanhof

Aus Wikipedia
Wexln zua: Navigation, Suach
Der Artikl is im Dialekt Reichahollarisch gschrim worn.


A groussa Hof im obaboarischn Oipnvorland


A Bauanhof, oda oafach Hof, is ärschtamoi des Haus, in dem da Baua und/oda de Bairin wohnan. Außadem ko se de Bezeichnung no aufn Stoi dastreckn, wo de Viecha drin ghoitn wern, und auf de restlichn Wirtschafdsgebäude, wia d'Schejn oda d'Remisn, und im weidastn Sinn aa auf den gsammtn Grund und Bodn, der zuaram Hof dazuaghert.

D' Architektur vo de Bauanheef[VE | Weakln]

Oipnregion und Obabayern[VE | Weakln]

Aufm Land herrscht de oide Bauweisn vor, de wo se klimatisch ois optimal aussegstejd hod: relativ flache Dacha, urspringlich oft mit Hoizschindln deckt und mit Baamstämm und Stoana obighoitn, wos aso jetz no manchmoi in de Berg zum findn is. Vorn dro de Boikone an dene d'Geranien onighengt ghearn, oft iba mera Etaschn. Da Grund fia de flache Bauweisn is des Prinzip, dass im Winta da Schnää schee liengbleibt aufm Dooch, und aso ois zuasätzliche Isolierung ausgnutzt werd. Wanns nadialich vui zvui schneibt, muas ma in sauan Apfe beissn und zwischndrin aa amoi oramma. D'hintre Hejftn vu sejchane Bauanheisa is dann meistns da Stoi, in dem d'Kia, d'Pferdln oda d'Facken stengan. Naddialich macht des dann as Wohnhaus vorndroo aa no zuasätzlich warm im Winta.