Bernriad

Aus Wikipedia
Wexln zua: Navigation, Suach


Qsicon Fokus.svg Der Artikl do is auf da Qualitätssicherung eidrong worn. Huif mit, in Artikl zum vabessan, und red etz do mid!
Wos no bessa gmacht gheart:  wikifiz, beleg -- Mugglschoas (dischkrian) 15:50, 31. Dez. 2013 (CET)
Wappm Koartn
Woppm vo Bernriad}
Bernriad
Koartn, Position der Gmoa Bernried hervorgehoben
48.91861111111112.884444444444401Koordinaten: 48° 55′ N, 12° 53′ O
Basisdatn
Bundesland: Bayern
Regiarungsbeziak: Niadabayern
Landkroas: Deggndorf
Häh: 401 m ü. NHN
Flächn: 39,47 km²
Eiwohna: 4738 (31. Dez. 2012)[1]
Dichtn: 120 Eiwohna je km²
Postleitzoien: 94505,
94374 (Eckhütt)Vorlage:Infobox Gemeinde in Deutschland/Wartung/PLZ enthält Text
Voawoi: 09905
Kfz-Kennzoachn: DEG
Gmoaschlissl: 09 2 71 116
Gmoagliedarung: 3 Ortsteile
Adress vo da
Gmoavawoitung:
Birket 34
94505 Bernried
Hoamseitn: www.bernried-niederbayern.de
Buagamoasta: Eugen Gegenfurtner (SPD)
Log vo Bernriad im Deggndorf
Kortn

Bernriad (oda aa Bernräid, auf houdeitsch Bernried) is a Dorf mit uma 1000 Einwohna (wemma d' Hähna ned midzäid) im Landkreis Deggndoaf in Niederbayern.

Gmoagliadarung[VE | Weakln]

Unter Bernriad vastäht ma Bernriad, Ednstettn und Egg, des san de drei Ortsteile, in de wos Bernriad gliedert is. Des is seidm 1. Mai 1978 so. Neba de drei groußn Teile gibts a no 96 kleanane Ortschaftn, des sand: Adlwarting, Amtsfleck, Außerirlach, Bachl, Bergfeld, Berghäuser, Berghof, Birgacker, Birketäcker, Birket, Birkhof, Bäbra, Bremersboch, Buachet, Buachetberg, Buachetwies, Burgerin, Ebm, Ebmanger, Ebmberg, Ebmgassn, Eckhütt, Eichbühl, Oaberg, Oabergheisl, Äisnanger, Faßlehn, Färstahaus, Fuchsberg, Genshirn, Giglberg, Gmoabühl, Grom, Gruab, Gruabhof, Hammet, Happtmosgruab, Hilling, Hochstraß, Hofstettn, Hochzipfl, Heslboch, Hundsruck, Innerirlach, Innastettn, Irlach, Irlhof, Jagerhaus, Gloabäbra, Koistod, Ketterlberg, Koipoint, Krackl, Kracklwies, Kreidadt, Krin, Leithn, Luckaswies, Luahof, Martinsgruab, Mädanberg, Oberkager, Oberkanetsberg, Ödlehn, Pitzen, Pommasberg, Rebling, Rindberg, Rieth, Scheiblacker, Schloßtanet, Schneiderheisl, Schneidaiad, Schocha, Scheepoint, Schrimpfhof, Sendbühl, Sölden, Staudachberg, Stoabühl, Straßermühl, Suizbach, Thannberg, Tradelsöhren, Unterkager, Unterkanetsberg, Woidhaus, Weibing, Weiherhaus, Willersbach, Windsteig, Zaunstod, Zäiberg.

Jäda grouße Teil hod wos bsundas: Vo Bernriad kimmt da Nam, in Egg stäht as Rathaus und in Ednstettn de Mehrzweckhalle.

Politik[VE | Weakln]

In Bernriad is da easchte Buagamoasta da Gengfuatna Eugen, der wos in da SPD is, da zwoata da Billa Schoß vo da CSU und da dritte da Keaschl, der wos a Georg hoaßt und der is vo de Frein Wähla.

Religion[VE | Weakln]

Wei in da Gmoa imma de katolischn de meran warn, san koa andene Konfessiona mit am oagna Godshaus do. De Kiach in Enstedn hoaßt St. Nikolaus, vo da Bernriada Kirch is de Padronin de Heilige Katharina. Fia eu zwoa Pfarrstein is da Pfarra Woina zuastände. De Zugroastn Luterischn kenna in da Nachbagmoa Mettn in Kicha ge. Andane, wia Judn oda Muslmana san a zwora drei do awa de kema woandas zum betn zamad.

Buidung[VE | Weakln]

In Ednstettn und Bernriad hamma jeweils a Grundschui, de wos zamkherd. Wennma af a andere Schui gehd, muasd fia d'Hauptschui noch Mettn oda Deggndoaf geh. Fiad Realschui af Plalling oda wennsd a Weibaleid bist, kannsd a noch Deggndoaf af d' Maria-Ward geh. Oder afs Gymnasium, do hosd praktisch freie Auswoi: Mettn, oda zwoa in Deggndoaf, s Robert-Koch oda s' Comenius, aba aa Niedaoida.

Fuaßboi[VE | Weakln]

In unsana Gmoa is da Fuaßboi ganz wos Bsundas: In Bernriad gibts nämli 3 Vareine: An SV Bernriad (grindt 1968), SV Edenstettn-Egg (1949) und an FC Edenstettn (1965). D'Bernriada spuin in da Bezirksliga West, De andan zwoa spuin in da Kreisklass. De Vorständ san: vo Bernriad da Brunna Woifgang, vom SV da Kress Max sen. und vom FC da Stiglmeier Woidta, a "Schaum" genannt. De Jugend werd bsondas gföadat: 2003 is nämlich de JFG Perlbachtal/Bernrieder Winkel grindt woan, olle drei Vareine san dabei beteiligt. Ab da D-Jugend spuid ma do. Da Vorstand vo da JFG is da Katzer Martin, der wos aa scho Jugendleita beim FC is.

Beleg[VE | Weakln]

  1. Bayerisches Landesamt für Statistik und Datenverarbeitung – Fortschreibung des Bevölkerungsstandes, Quartale (hier viertes Quartal, Stichtag zum Quartalsende)  (Huif dazua)

Im Netz[VE | Weakln]

 Commons: Bernried – Sammlung vo Buidl, Videos und Audiodateien