Bersntolerisch
| Bersntolerisch | ||
|---|---|---|
| Vabroadung: | Italien, Trentino in de Gmeindn Vlarotz/Florutz/Fierozzo, Palae/Palai/Palù und Garait/Gereut/Frassilongo, einschl. Oachleit/Eichleit/Roveda) | |
| Sprecha: | ca. 2.278 (untaschiedliche Dialektkenntniss) | |
| Linguistische Klassifikazion: |
Indogermanisch
|
|
| Offiziella Status: | ||
| Åmtssproch in: | Gschützt im Trentino | |
| Sprochcodes: | ||
| ISO 639-1: | - | |
| ISO 639-2: | gem (sunstige Germanische Schbråuchn) | |
| SIL: | mhn (frajha Ethnologue 14: QMO) | |
Bersntolerisch oda bersntoler Sproch (daitsch: Fersentalerisch oda Mochenisch, italienisch: mòcheno) is a owadaitscha (boarischa) Dialekt, der wãu in drei Gmeindn im Bersntol im Trentino, Trentino-Südtiroi im Nordwestn vu Italien gredt wead.
As Bersntolerische is vawandt mit de boarischn Dialekt und wead untaschidlich åis südboarischer Dialekt oda åis eingschdändige Sprãuch oogseng. D'Sprecha vum Bersntolerischn vastenna angeblich aa doiweis Boarisch, Zimbrisch und Standaddeitsch, wås dafia schbrichd, dass ma s åis Dialekt ejstuft. Die vüü grundlengdn Untaschid in da Grammadik macha s åwa fia an Sprecha vum Standaddeitschn schwaa, as Bersntolerische zum vastaj.
Laud da Voikszöhlung im Jåhr 2001, in dera wãu zum erstn Maj Datn iwa d'Muttasprãuch afgnumma woan han, red die Mehrheid in de foingdn Gmeinden Bernstolerisch (Midgliedazoih vu da bernstolerisch Schbråuchgmeinschafd): Vlarotz/Florutz/Fierozzo (423 Leid, 95,92 %), Palae/Palai/Palù (184 Leid, 95,34 %) und Garait/Gereut/Frassilongo (340 Leid, 95,24 % - zsamm midm Dorf Oachleit/Eichleit/Roveda). In andare Gmeindn im Bersntol gem 1.331 Leid oo, daß's zu da bersntolerischn Sprãuchgmeinschafd gheern. Andare Gwöün gem oo, daß die gsamte Bevoikarung vu Oachleit und Palae, a Mehrheid z'Vlarotz und a Mindaheid im Dorf Garait Bersntolerisch ren.[1]
As Bersntolerische derf ma ned midm Zimbrischn vawechsln.
