Büchernachlese

Aus Wikipedia
(Weidagloadt vo Biachanochles)
Der Artikl is im Dialekt Obaboarisch gschriem worn.
As Buidl vo da Startseitn

De Büchernachlese is des frei zuagängliche Online-Rezensionen-Archiv vo dem Schriftstella unn Autor Ulrich Karger, wo ma iaba 1.400 vo seine Rezensionan unn Kuazhinweis zua Belletristik unn Sochbuach sowia ned zletzt zua Kinda- unn Jungdliteratua obruafa ko.

Bgunna hot des 1999 mit Linklistn auf seina Homepage, de auf ondane Web-Literatua-Poatale unn Online-Literatua-Redaktionan vawiesn homn, de wo seine Rezensionan ins Netz einigsteijt homn.[1] De Domain www.buechernachlese.de.vu hot da Autor, dea a seiba Biacha schreibt, donn im Oktober 2000 eigricht (seit 2016: www.buechernachlese.de), oba eascht seit 2001 hot ea donn aa olle seine Buachbsprechunga in sei eigane Homepage eibaut. Nemn da Gsomtlistn san in da Biachanochles hiazt a no vui Unta- unn Extralistn obzruafa, in dene zum Beispui von eam meafoch bsprochane Autorn oda Bsprechunga zu Theman wia Kindabiacha zu Weihnochtn zsammagfosst san.

Im Gengsotz zua de bei de Online-Redaktionan einigsteijten Rezensionan vo Ulrich Karger san de in da Biachanochles ungkiazt unn unredigiat nochzlesn. De meistn vo de Buachbsprechunga san zeascht in vaschiedane Zeidunga unn Stodmagazin odruckt woan, fia de da Autor seit 1985 oijs Freia Mitoabeita schreibt bziehungsweis gschriem hot, darunta aa fia de Süddeitsche, de Berliner Zeitung unn fir an Berliner Tagesspiegel.[2]

De Artikl seijm, de oijs Kuazhiweis blos a boa Zeijn oba sunst aa glei mehrane Seitn umfossn kennan, san scho des Eftan in Obastufn- unn Studentn-Oabatn sowia in wissenschoftliche Examensoabatn, u. a. in Dissertationa, Diplomoabatn, ois Teil vo Lehrermaterialien[3] unn aa fia ausländische Germanistikstudentn[4] zitiat bziehungsweis ogsprochn woan.[5][6]

Bibliografie[Werkeln | Am Gwëntext werkeln]

  • Ulrich Karger: Büchernachlese – Rezensionen 1985-1989. Edition Gegenwind - neobooks, Berlin 2019. E-Book-Originalausgabe. ISBN 978-3-7485-8899-3.

Queijn[Werkeln | Am Gwëntext werkeln]

  1. Sieg de Kontakt-FaQ | Quellenangabe-Seitn unta buechernachlese.de
  2. Sieg de Kontakt-FaQ | Mitarbeit bei den Prints-Seitn unta buechernachlese.de
  3. Sieg de Hiweis untn in da Rezension vo Ulrich Karger zu Hans Magnus Enzensberger: Wo warst du Robert? in seina Biachanochles
  4. Sieg unta ondam glossen: rezension, online unta www2.dickinson.edu via web.archive.org
  5. books.google.com Suche: Karger, Ulrich
  6. Sieg de Referenzen: Links und Zitate-Seitn unta buechernachlese.de

Im Netz[Werkeln | Am Gwëntext werkeln]