Bill Graham

Aus Wikipedia
Wexln zua: Navigation, Suach
Bill Graham (umara 1990)

Da Bill Graham (geb. ois Wolodia Grajonca, gnennd Wolfgang Grajonca; * 8. Jenna 1931 z Berlin; † 25. Oktoba 1991 z Vallejo, Kalifornien) is seit de 1960a Joa a eiflussreicha Impresario gwen. Nom Holocaust isa vawaisd gwen, schbada hodn a amerikanische Famil adoptiad.

Seine jidischn Aidan san vo Russland emigriad gwen, zwoa Dog no seina Gebuat is sei Voda gschdoam. An Graham sei Mam hod no eam und sei jingare Schwesda ina Berlina Waisnhaus brochd, vo duad san de zwe no Frankreich gschickt woan, im Ausdausch genga christliche Waisnkinda. An Bill seine finf aidan Schwesdan san ba da Mama bliem. Ois Frankreich bsezt woan is, sans gflicht, se und no fui andare jidische Kinda. De moastn hom de Flucht ned iwalebt, aa sei Schwesda Trolla neda. D Mam voum Bill Graham hodma z Riga umbrochd.

Ois Konzeatvoanschdoita hod da Graham schbada s Fillmore West und s Winterland, z San Francisco und s Fillmore East z New York gfiat. Oane vo de bekanndasdn Voanschdoitunga is The Last Waltz, s lezde Konzeat vo The Band, im Winterland gwen.

Nemdro hoda psüchedäische Poster voum Wes Wilson und Rick Griffin vomoakt. Aa ois Schauschbuia ko ma eam z.B. im Fuim Apocalypse Now voum Francis Ford Coppola seng.

1991 is da Bill Graham zam mid seim Kompanjong Mellis Gold no an „Huey Lewis & the News“-Konzeat am Highway 37 in der Nat vo Vallejo z Kalifornien ogschdiazt und hie gwen.

A Woch draaf hodma eam za Ean, im Golden Gate Park a Konzeat gem, unta andan san Grateful Dead und da John Fogerty afdren.

1992 isa ind Rock and Roll Hall of Fame (Nonperformers) afgnumma woan.

Litaratur[VE | Weakln]

  • Bill Graham und Robert Greenfield: "Bill Graham presents…" - Ein Leben zwischen Rock and Roll (1996; Zweitausendeins; ISBN 3861501562)
  • Oliver Trager (1997): The American Book of the Dead - The Definitive Grateful Dead Encyclopedia. - Fireside, New York, N.Y.; ISBN 0-684-81402-1

Im Netz[VE | Weakln]

 Commons: Bill Graham – Sammlung vo Buidl, Videos und Audiodateien
Normdatn: GND: 119095114 | LCCN: n 91015400 | VIAF: 47564040