Boarische Grammatik (Verbn)

Der Artikl do gheart zua Artiklsammlung iba'd Grammatik vo da Boarischn Sproch. A Ibasicht iba olle Artikl zum Thema findt ma in Boarische Grammatik.

Der Artikl do gheart zua Artiklsammlung iba'd Grammatik vo da Boarischn Sproch. A Ibasicht iba olle Artikl zum Thema findt ma in Boarische Grammatik.

Thema vo dem Artikl han de Verbn und eana Konjugation.

Infinitiv

D Infinitiv-Endung is normålerwais -n. Dej kå'se ower vaendern, je noun Laut der wou vor irer stejt. Wej des genau is, des stejt in da druntern Tabölln zo de Gechawartsforma mit drinnat.

Gegnwart

Gem touts grammatisch de erschte, de zwoite und de dritte Person Singular und Plural. Unter de Pronomen stenga de Normålendunga, dej kinna'se ower je nouch da boarisch-grammatischn Verbkategorie endern.

Kategorie	Standarddaitsch Infinitiv	Boarisch Infinitiv	1. Person Singular	2. Person Singular	3. Person Singular	1. Person Plural	2. Person Plural	3. Person Plural
			i	du	eă/deă, si/de/NB:dej, s/es/dees	miă	ees/iă/ NB:enk(s)/(de)ets/diăts	si/de/ NB:dej
	-en	-n	----	-st	-t	-n, -ma	-ts	-n, -nd
Normalform	wetten	wettn	wett	wettst	wett	wettn WMB àà: wettma	wetts	wettn WMB àà: wettnd
…ben	leben	leem	leb	lebst	lebt	leem WMB àà: leema	lebts	leem WMB àà: leemd
…gen	legen	leeng	leg	legst	legt	leeng WMB àà: leengma	legts	leeng WMB àà: leengd
…den	reden	ree(d)n	red	redst	redt	ree(d)n WMB àà: ree(d)ma	redts	ree(d)n WMB àà: ree(d)nd
…men, …ngen, …nen	rennen	renna	renn	rennst	rennt	renna(n) WMB àà: rennma	rennts	renna(n) WMB àà: rennand
…fen, …ken, …chen	hoffen, denken	WMB/Süd-NB: hoffa, denka Nord-NB/OMB/SB: hoffm, denkn	hoff, denk	hoffst, denkst	hofft, denkt	WMB/Süd-NB: hoffa(n), denka(n) Nord-NB/OMB/SB: hoffm, denkn WMB àà: hoff(b)ma, dengma	hoffts, denkts	WMB/Süd-NB: hoffa(n), denka(n) Nord-NB/OMB/SB: hoffm, denkn WMB àà: hoffand, dengand
…eln,. .ern, …nen, …men	ordnen	ordnan	ordnat	ordna(t)st	ordnat	ordnan	ordnats	ordnan WMB àà: ordnand
unreglmasse	tun	doa/duan NB: dou	dua NB: dou	duasd NB: doust	duad NB: dout	dean/duan/dàn WMB àà: deama/dàmma/doama NB: dejn	deads/dàds/duads WMB àà: doads NB: dejts	dean/dàn/duan WMB àà: doand NB: dejn
unreglmasse	sein	sâi NB: sââ	bî/bin	bisd SB: bisch(d)	is SB: isch	hàn/sàn WMB àà: hàmma/sàmma SB: sein	hàds/sàds/saids	hàn/sàn WMB àà: hànd/sànd SB: sein
unreglmasse	haben	hååm/hòòm NB: hoom	håb/hò/hòb NB: ho/hob	håst/hòst NB: host/hòust	håt/hòt NB: hot/hòut	håm/hòm WMB àà: hammà NB: hom	håbts/hòbts NB: hots/hòuts	håm/hòm WMB àà: hammànd NB: hom
unreglmasse	sehen	seeng NB: seeng/seea	seg/sig/siag NB: siich/siia	segst/sigst/siagst NB: sigst/siiast	segt/sigt/siagt NB: sicht/siiat	seeng WMB àà: seengma NB: seeng/seea(n)	segts NB: sechts/seeats	seeng WMB àà: seengd NB: seeng/seea(n)
unreglmasse	gehen, stehen	gêh, stêh NB: gêjh, stêjh	gèh, stèh NB: gèjh, stèjh	gèhst, stèhst NB: gèjhst, stèjhst	gèht, stèht NB: gèjht, stèjht	genga(n), stenga(n) WMB àà: gemma, stemma	gèhts, stèhts NB: gèjhts, stèjhts	genga(n), stenga(n) WMB àà: gengand, stengand/stennand

Easte Vagangenheit

De easte Vagangenheit wead in Bayern in so guad wia olle Fäi mit da zwoatn umgànga:

Standarddeitsch	So sågt ma s af Boarisch
ich sah	i håb gseng
ich ging	i bin ganga
sie floh	sie is davoglaffa/davogrennd/obghaud (in Wien aa: sie is ahpascht)

Awa es gibd a boa wenige Veabn, de wos a Imperfekt hâmd:

Standarddeitsch	So sågt ma s af Boarisch
ich wollte	i woidd
ich war	i wå/wo/woa

Untam Strich is es oba aso, dass ma, wo s geht, de zwoate Vagangenheit nemma soit! Nur wanns wirkle ned andast geht, ko ma aufs Imperfekt zruckgreifn.

Zwoate Vagangenheit mit "håm" oda "sei"

Standarddeitsch	So sågt ma s af Boarisch
gesessen, gelegen, gestanden haben	gsessn, gleng, gstandn sei
ich habe gesessen, gelegen, gestanden	i bin gsessn, gleng, gstandn

Die Wörta, die wos obn gnannt wurn san, wern oba aa im östarreichischn Hochdeitsch mit "sein" gebüdet.

Dridde Vagangenheit

Aa s Plusquamperfekt gibds im Boarischn, s wiad owa andas buidt wia im Deidschn, zwa mid de sêim Huifsveabn hâm und sei, owa andane Stellung. Es is eingtle recht oafach, statt dass des Huifsverb in da erschtn Vagangaheit steht, de's jo im Boarischn quasi ned gebt, werd's hoid in da zwoatn hergnumma. Dés Plusquamperfekt gibts åwa néd in ålle Dialekte im boarischn Språchraum.

Standarddeitsch	So sågt ma s af Boarisch
ich hatte gesehen	i hob gseng ghod
ich war spazierengegangen	i wå spåzianganga gwén
ich hatte gelebt	i hob glebt ghod
ich hatte gehabt	i hob ghobd ghod

Wia im Deidschn is às Veab "sei" im Plusquamperfekt zum buidn: ich war gewesn = i wå gwén

Da Konjunktiv

Da Konjunktiv Präsens

Da grammatische Konjunktiv Präsens kummt in Boarischn ner in a por feste Wendunga fir, wej hölfgod oda (va)göltsgod. Gnumma wird dou da Indikativ: D Muater sågt, es gejt irer guat.

Da Konjunktiv Perfekt

Da grammatische Konjunktiv Perfekt kummt gorniat fir. Gnumma wird aa dou da Indikativ: Da Våtter sågt, er hout garwat., oder aa da Konjunktiv Plusquamperfekt: Da Våtter sågt, er hejt garwat.

Da Konjunktiv Plusquamperfekt

En grammatische Konjunktiv Plusquamperfekt git's åls Konjunktiv II fir d Vagångahait: D Muater war gånga., Da Våtter hejt se gwundert.

Da Konjunktiv Imperfekt

Da grammatische Konjunktiv Imperfekt is rundum lewende, der wird åls Konjunktiv II fir d Gechawart hergnumma fir des, wos niat wirkle passirt, wos niat gwis is (Irrealis), wos ner gwinscht (Optativ), megle (Potentialis), bedingt (Konditionalis) is, und aa nu fir åndare Fainhaitn in derer Oart und Wais. Der Konjunktiv tolt se in zwoa Forma af, oane dej wou mit da Endung -ad büldt wird (Oawort-Konjunktiv), und oane, dej wou mit dad umschrim wird: D Muater essad., Da Våtter gangad. und D Muater dad essn., Da Våtter dad gej.

D Form mit dad gejt nu waiter in de nergrod denkte Richtung. Waiters braucht'ma's, wem'ma bsunders heflich sa moch: DanS a wengal zåmmrucka?, I hejt gern an Schwainsbroun., I dad song.. Heflich is aa da Oawort-Konjunktiv: I grejchad an Schwainsbroun., I moanad.

Da Oawort-Konjunktiv kummt in drai Forma fir, nemle: schwåchs Verb + -ad, storks Verb + -ad und storks Verb one de Endung. De storkn Forma wern in de haintinga Dialekt ower imma wenga. Ersetzt werns durch de schwåchn Forma, dej wou af -ad endn.

In nordboarischn Sprouchraum krejng de storkn Forma gern iwerhapps wej de schwåchn -ad åghengt. Waiters wern de storkn Forma durn zon ostfrenkischn Sprouchraum hi glai gor durch de schwåchn ersetzt. Asgnumma han frale d Werter, dej wou koane schwåchn Forma hom.

In da Tabölln ejtz is a Aswol vo Werter afgnumma, mit ålle Forma, dej wou's in de boarische Dialekte git. Niat ålle Forma wern ower iwaråll braucht. Sa kå's sugor, das oa Forma åls vakejert empfundn wern, trotzdean das wouånderscht richte han.

boarische Formagruppm	Standarddaitsch	boarische storke Form	boarische schwåche Form	boarische gmischte Form
One a storke Form in Boarischn wej de ållermaistn Verbm. Ob a Verb in Standarddaitschn schwåch oder stork is, hout min Boarischn nix zon tou.	ich redete / ich würde reden	----	i redad	----
	ich büke / ich würde backen	----	i båchad	----
One a schwåche Form, ner dej vejer Werter.	ich hätte	i häd, NB: i hejd	----	----
	ich wäre	i wàr	----	i wàrad
	ich könnte	i kànnt, i kunnt	----	i kànntad, i kunntad
	ich täte, ich würde (schau untn)	i dàd	----	----
Werter mit storke, schwåche und gmischte Forma. Finna lejn se hainzatoch nu a por Duzad Werter.	ich würde (schau untn)	i wur	i werad	i wurad
	ich gäbe	i gàb	i gewad	i gàwad
	ich fände	i fànd	i findad	i fàndad
	ich ginge	i gàng	i gäad, NB: gèjad	i gàngad
	ich stünde	i stànd	i stäad, NB: stèjad	i stàndad
	ich käme	i kàm	i kemmad, NB: kummad	i kàmad
	ich ließe	i liaß, NB: lejß	i låssad, NB: lòußad	i ließad, NB: lejßad
Ba deane Werter unterschain'se d Forma bedaitungsmasse a weng.	ich sollte	i soit, NB: i sollt	i sollad	i soitad, NB: i solltad
	ich wollte	i woit, NB: i wollt	i wollad	i woitad, NB: i wolltad
	ich möchte	i mecht	i mechad, i michad	----

No zum Woad "würde": Wann nimmt ma i wua und wann i dààd? Des is ganz einfach:

An so einem einem schönen Tag würde ich lange spazieren gehen.

An so àm scheena Dog dààd i lâng spåzian geh. (Umschreiwung vom Konjunktiv)

Bei diesem Ehemann würde ich sicher verrückt!

Bei dem Mâ do wua i gwies nààrisch! (àfåcha Konjunktiv vo wern)

Infinitivkonschtruktiona

Im Standarddeitschn gebts de Möglichkeit, an Nebmsoodz noch dem Musta "um etwas zu tun" zum vawendn. Im Boarischn werd des vamiedn und stattdessn mit am Nebmsoodz mit "weil", "dass" oda "damit" umganga.

Standarddeitsch		So sågt ma s auf Boarisch
Beispuisoodz	Da Hintagrund	Beispuisoodz	Da Hintagrund
Ich gehe nach Hause, um meine Suppe zu essen.	"um zu" weist auf a Absicht hi	I geh hoam, weil i mei Suppn essn wui./ I geh hoam, mei Suppn z'essn.	de Absicht werd durch des Verbn "woin" vadeitlicht, oda s'wead wia im deidschn a Infinitivkonstruktion heagnumma.
Ich wischte die Scheibe, um besser hindurchsehen zu können.	"um zu" weist auf des Ziel vo dera Handlung hi	I hob de Scheim gwischt, damid i mera sieg.	durch des Wertal "damid" werd vadeitlicht, dass de Handlung a Ziel hod

Åbkirzunga

• MB = middlboarisch

• WMB = westmiddlboarisch
• OMB = ostmiddlboarisch

• SB = südboarisch
• NB = noadboarisch