Burg zu Burghausen
| Der Artikl is im Dialekt Obaboarisch gschrim worn. |
| Burg zu Burghausen | ||
|---|---|---|
 De Haptburg vo Siden |
||
| Oitanativnom: | {{{Alternativname}}} | |
| Entstehungszeit: | vor 1025 | |
| Burgntyp: | Hähenburg, Kammlog | |
| Erhoidungszuastand: | Dahoidn | |
| Ständische Stejung: | Grafen, Herzäg | |
| Bauweisn: | Quada | |
| Oat: | Burghausen | |
| Geografische Log | 48° 9′ 22″ N, 12° 49′ 44.3″ OKoordinaten: 48° 9′ 22″ N, 12° 49′ 44.3″ O | |
| Hächn: | 420 m ü. NN | |
|
||
De Burg zu Burghausen obahoib vo da Oidstodt vo Burghausn is mit 1051 Metan de längste Burgolog vo Eiropa. Se hod seggs Burghäf und is bis af wenge Ausnahma aus Travertin-Quadan baut woan. A großa Tei vo de Bautn stammt aus da Zeit, wo de Burg de Residenz vo da niadabayrischn Linie vo de Wittelsbacha (1393–1505) gwen is.
Ogfanga hods bescheidn; des erste Bauwerk am Burgberg: a b'fesgigts Hoizhaus, dees im sibbdn (7.) Jahrhundert vo de Bayrischn Herzög errichd worn is. Ab Mitte des dreizenndn (13.) Jahhundats entstand aus na Burg bis in de zwoadde Hoifdn des vierzehntn (14.) Jahhunderts de längsde Burganlag Europas. Da Presnitzer Ulli und seine vierdausnd (4000) Schbäzln ham vo 1479-89 auf Eurobbas grössda Baustoi g'arwad, bis de Burg vierzehnhunddadneinzge (1490)(de Türkn san grod voa Wien g'schdanndn) mid ihren seggs Höf, de olle duach Woigrobn, Zugbrückn, und Torgebäude vonnannad g'drennd warn, fertig war. 1809 war da Kaiser Napoleon in Burghausn. Vo eam stammt da Ausspruch "Stadt unter der Erde", ois er auf der Burg gstandn is und aufd Stodt obegschaud hod. Übanacht hod er 4 Nächt in Burghausn im Taufkirchen Palais, weil de Österreicher damois de oide Salzach Bruggn abgrissn ham und er mid seim Heer ned so schnoi nachekemma is. Über a Pontonbruggn isa nachad mit 4 Dog Verspätung hinterher. De Burghauser warn danach fast am Verhungan, weil de Franzosn eana ois weggessn ham. Nur durch de Huifn von de umliegendn Dörfer (ganz voran Triftern) hams übalebt.
Im driddn Hof siggn ma Zinnenspitzn in Schwalbenschwanzform, von de Burghausa ois "Schwurfinga" bezeichned.
Da letzde "Hexnprozess" fand sibbzehnoanafuffzge statt.
Im Prechtl- Turm hod vo sibbzennoanasechzg bis achzenhunddadsex da Burghausa Scharfrichda und neinzensechzen da Rainer Maria Wilke g'wohnt.
Heidzdogs is de reizendne Wohnanlag vo rund hunddadfuffzg Leid bewohnt , beinnhalted a Museum, a Theadaakademie und an kloan Fuasboiblodz.
Da Till Schweiger hod do an Teil vo seim "Oanahoib Ridda" draad, und de Sofia Loren und de Audrey Hepburn und da Oskar Werner warn aa scho do und ham drahd.
[drå werkln] Literatua
- Brigitte Langer: Burg zu Burghausen. Amtlicher Führer der Bayerische Verwaltung der Staatlichen Schlösser, Gärten und Seen, Minga 2004.
[drå werkln] Externe Links
| Commons: Burg zu Burghausen – Buidl, Videos und/oda Audiodatein |
