Burgstaller Gabriele
Aus Wikipedia
| Der Artikl is im Dialekt Soizburgarisch gschrim worn. |
| Burgstaller Gabriele | |
|---|---|
| Kurzbeschreibung: | Soizburga Politikarin Låndeshauptfrau |
| Geburtsdatum: | 23. Mai 1963 |
| Geburtsort: | Penatzdorf/Niadathoihoam |
| Nazionalität: | Östareich |
D' Burgstaller Gabriele (Boarisch: Burgstoia Gabi), geborn am 23. Mai 1963 in Penatzdorf in da Gmoa Niadathoihoam (Penetzdorf/Niederthalheim), in Owaöstareich, is a östareichische Politikarin. Sie ghert da SPÖ å und is derzeid Lådeshauptfrau vom Bundeslånd Soizburg.
Währnd da Åmtszeid vo ihr ois Låndeshauptfrau is 2005 d' Möglichkeit vom Schwångaschoftsobruch in d' Soizburga Låndesklinikn gschoffm worn.
D' Obtreibungsdiskussion hod zu heftige politische Turbulenzn gfiart. D' ÖVP håd vasuacht 's Vurhom vo da Burgstoia z' vahindan und hod mid 'm End vo da Regiarungskoalizion droht. Vur oim bei da Katholischn Kirchn und de vo ihr nohestehndn Organisazionen hod d' Möglichkeit zur Obtreibung auf hefige Kritik gtsossn. Da Soizburga Erzbischof Kothgossa Alois hod de Tötung vo am ungeborenen Kind ois schwarstes Unrecht bezeichnet [1] und hod 'n Fostnhirtnbriaf 2005 'm Thema „Schutz vom Leem“ gwidmet [2].
[dro werkln] Leemslauf
Noch da Matura am Gymnasium in Gmundn und aam Joar Auslåndsaufenthoit in Englånd hod d' Burgstoia Rechtswissnschoftn ån da Universität Soizburg studiart. Vo 1987 bis 1989 is d' Burgstoia Gabi Assistentin am Institut fir Vafossungs- und Vawoitungsrecht und am Institut fir Rechtssoziologie in Soizburg gwesn. Zwischn 1989 und 1994 hod s' ois Konsumentnberotarin bei da Orweitakåmma Soizburg gorbeitt. In dera Funkzion is s' ois Spezialistin in da Wohn- und Mietrechtsberotung und ois Vatretarin vo 25.000 gschädigtn Ålegan durch 'n WEB-Bautraihånd-IMMAG-Konzern da braadn Öffmtlichkeit bekånnt worn.
D' politische Laufbåh håd 1994 ågfånga, wia s' in Soizburga Låndtog gwöiht worn is und glei Klubvursitznde vo da SPÖ-Låndtogsfrakzion worn is. Am 27. Aprüi 1999 is d' Burgstoia zur Låndesrätin fir d' Fraun, Baun, Gewerbe, Konsumentnschutz und Vakear und am 31. März 2001 zur Låndesparteivursitzendn vo da Soizburga SPÖ gwöiht worn. Zur Zeid is s' aa stöivatretnde Bundesparteivursitznde vo ihra Partei.
Da Soizburga Låndtog hod d' Burgstoia am 25. Aprüi 2001 zur erstn Stöivatretarin vom Låndeshauptmå Schausberga Frånz (Franz Schausberger) gwöiht.
Bei d' Woihn zum Soizburga Låndtog am 7. März 2004 is ihr glunga, ois Spitznkanditatin vo da SPÖ 's erste Moih a Merheit in dem seid 1945 vo da ÖVP dominiartn Bundeslånd z' daglånga. Währnd 'm Woihkåmpf håd s' 'n Konsens und d' Zåmmorweit mid åndare Partein ois Züih vo ihra Orweit betont. D' ideologischn Vurstellungen hod s' fir d' Daua vom Woihkåmpf im Hintagrund ghoidn.
Am 28. Aprüi 2004 is s' vom Soizburga Låndtog zur Låndeshauptfrau gwöiht worn. Sie is d' erste Frau ån da Spitzn vom Bundeslånd Soizburg. Ois Låndeshauptfrau is d' Burgstoia Gabi in da Soizburga Låndesregiarung fir d' Aufgombereiche Büidung, Schuin, Gsundheit, Krånknåstoitn, Katastrofmschutz, Faiawehr, Wissnschoft und Forschung, sowia Fraun und Eiropa zuaständig.
D' Burgstoia Gabi hod am 5. Juli 2003 im Marmorsoi vom Schloss Miraböi 'n Hoiza Anton (Anton Holzer) ghairatt und leebt in da Stodt Hallein.
[dro werkln] Weblinks
[dro werkln] Aanzlnochweise
- ↑ Katholischa Nåchrichtndienst: http://www.kath.net/detail.php?id=9176. 17. Dezemba 2006.
- ↑ Erzdiozesn Soizburg: http://portal.kirchen.net/erzbischof/section.asp?sec=165&menuopt=4592. 9. Fewa 2005.
| Der Artike basiart aufara frain Iwersetzung vom söim Artike in da Wikipedia auf Daitsch. A Listn mid de durting Autorn kåst durtn åschaun. |
