Café Hawelka

Der Artikl is im Dialekt Weanarisch gschrim worn.

Café Hawelka

A typischa Einspänna Kafää

S Café Hawelka is a legendeas Kafäähaus im 1. Weana Gemeindebezirk Innare Stod in da Dorotheergossn 6.

Inhoitsvazeichnis

Dees Hawelka is 1939 vom Leopold Hawelka aufgmocht wuan. Boid is owa zweng an Kriag wieda zuagmocht und 1945 nei eaeffnet wuan.

Nochm End vo da Besotzungszeit in Wean, oiso ob 1955, is dees Hawelka schnö zum Treffpunkt fia Kinstla wuan. Zu de Staumgäst hom z.B. Leit gheat wia: H. C. Artmann, Konrad Bayer, Helmut Qualtinger, Gerhard Rühm, Friedrich Torberg, Hans Weigel, Ernst Fuchs und Friedensreich Hundertwasser.

S Café Hawelka hod in Georg Danzer zu seim Liad (vo 1976) Jö, schau („... so a Sau, wos mocht a Nockata im Hawelka“) inspiriat.

Da Dokumentarfuim Königin Josefine – Die Hawelkas und ihr Café (2002) zagt de Gschicht vo de Hawelkas und vom Café.

Franz Hubman]: Café Hawelka. Ein Wiener Mythos. Christian Brandstätter, Wean 2001, ISBN 3-85498-111-2.
Sonja Moser: Das Hawelka. Geschichte & Legende. Pichler, Wean 2009, ISBN 978-3-85431-500-1 .

Commons: Café Hawelka – Buidl, Videos und/oda Audiodatein