Calamity Jane

Aus Wikipedia
Wexln zua: Navigation, Suach
Calamity Jane

Martha Jane Cannary Burke, bessa bekonnt ois Calamity Jane (* 1. Mai 1852 z Princeton, Missouri; † 1. August 1903 z Terry bei Deadwood, Sid-Dakota), woa a US-amerikanische Westernhäidin. Se woa a Bekonnte, meglichaweis de Gattin, vom Wild Bill Hickok und hod ois Frontfrau im Kompf mit de Indiana Berihmtheit dalongt.

Wias zu ian Spitznom kema is, is ned genau bekonnt. "Calamity" hoasst jednfois auf boarisch Unhei, Katastrophn, Desasta, Unglick. Und ma hod da Jane nochgsogt, dass do wo sie woa, imma aa "Kalamitätn" im Umfäid gem häd.

Inhoitsvazeichnis

Lem[VE | Weakln]

Calamity Jane kimmt aus ana Predigafamilie und hod fimf Gschwista ghobt. Wia de Jane 14 Joa woa is ia Muada gstoam, wias aufn Weg in an Westn woan. Oa Joa drauf hod ia Voda s Zeitliche gsegnet. Se hod gonz aloa fia iare Gwista soang miassn. De Jane woa Postkutschfoararin, Saloondame, Kranknschweste, Goidgrobarin und Kundschofta (Scout) fia de Truppm vom General Custer.

Se hod moast Monnagwond trong, hod graucht, gsoffa und gfluacht. So hod sa si in da Monnawäid Respekt vaschofft. Scho za Lebzeitn is se zua Legendn woan.

Am End vo iam Lem is de Jane Alkohoikronk gwen und hod an Depressiona glittn. Gstoam is mit 51 vaeisomt in in am kloan Ort bei Deadwood. In iam Nochloss hod ma an Hauffa Briaf fia ia Dochta gfundn, de wo nia ned obgschickt woan san.

Se is am Friedhof vo Deadwood neman Wild Bill Hickock begrom.

Literadua[VE | Weakln]

  • Calamity Jane: Briefe an meine Tochter. Unionsverlag, 1996, ISBN 3-293-20073-7 (enthält auch die Autobiographie "Leben und Abenteuer der Calamity Jane, von ihr selbst erzählt")
  • Doris Faber: Calamity Jane: Her Life and Her Legend. Houghton Mifflin, 1992, ISBN 0-395-56396-8
  • Morris, René Goscinny : Lucky Luke, Bd. 22, Calamity Jane Ehapa, Mai 2002, ISBN 3-7704-0133-6
  • Roycroft, Kenneth: Eine Frau kennt kein Erbarmen, Bastei-Lübbe, Jenna 2005, Western-Legenden Band 14

Comic[VE | Weakln]

In mearan Episodn vo Lucky Luke kimmt de Calamity Jane voa.

Im Netz[VE | Weakln]

 Commons: Calamity Jane – Sammlung vo Buidl, Videos und Audiodateien