Ceratopsidae

Der Artikl is im Dialekt Hausrukfiatlarisch gschrim worn.

Ceratopsidae
Lebendrekonschdrukzion fu am Triceratops
Zeidraum
Obere Kreide
80 bis 65 Mio. Jor
Fundort
westl. Nordamerika
Systematik
Vogelbeckensaurier (Ornithischia) Cerapoda Marginocephalia Ceratopsia Neoceratopsia Ceratopsidae
Wissnschaftlicha Nama
Ceratopsidae
Marsh, 1890

So håd Noadamearika in da mitlan Kreidezaid ausgschaud. Da Wesdn und da Osdn woan duach an broadn Mearesschdroafn fuanãnda drend, dén ma auf Englisch "Western Interior Seaway" nend.

D'Ceratopsidae han a Grupm fu Dinosauria dé Heandl oft auf da Nåsn oda üwa de Augn ghåbt hãm und a Schüdl im Gnak. Da bekãntasde Fadreta fu deara Grupm is da Triceratops, oiso dea mid drai Heandl.

D'Ceratopsidae han auf ole fia Haxn gãnga und hãm Grẽazaig gfréssn. Sé woan zwischn 4 und 8 Meta lãng und hãm a boa Dausnd Kilo auf d'Wåg bråcht. Ma glaubt haid, das's si se mid eanare Heandl néd géng iagendwöche Raubsauria fataidigt hãm, sondan das da Zwek fu dé Heandl mea fian Måchtkãmbf untaranãnda woa, oiso wãn's drum gãnga is wea si foatblãnzn deaf und wea a gressas Revia håd und so. Zu da Foatbflãnzung söwa woas ma aigentli recht wéng, ma mõand das's Oa glégt hãm, åwa auf da ãndan Sait håd ma kõane aindaiting archeologischn Fund gmåcht, dé dés bewaisn dadn.

Eanare Beknbõana schaun so aus wia dé fu de Fégi und déswéng ghean's zu da Grupn fu de Fogibeknsauria (Ornithischia). Eanare Rivaln unta de Dinosauria woa de Grupm fu de Tyrannosauridae. Sé hãm neta am End fu da Kreide-Zaid glébt und zwoa doatn wo haid s'westliche Noadamearika is. Auf ãndane Kontinent håd's dé néd gém. Foa ungefea 66 Milionen Joa hãm's wia olle ãndan Dinosauria (aussa de Fögen) in Löffi ågém und han ausgschdoam. Gfundn håd ma blos nu eanare faschdõanatn Bõana und ois wås ma iwa sé woas, woas ma fu da Analüsn fu de Fossilien.

Untagrupm

D'Ceratopsidae söwa dailn si wida auf in zwoa Untagrupm, nemli de Centrosaurinae und de Chasmosaurinae. De Centrosaurinae hãm moasdns a lengas Nåsnheandl ghåbt, dafia kiazare oda goa kõane Heandl iwa de Aung und a a kleanas Gnakschüdl. Nåch da aktueln wissnschåftlichn Leamainung (Dodson et al., 2004, S. 494) daild ma de gãnze Grupm wia foigt âi:

• Ceratopsidae
  • Centrosaurinae
    • Achelousaurus
    • Albertaceratops
    • Avaceratops
    • Brachyceratops ?
    • Centrosaurus
    • Einiosaurus
    • Monoclonius ?
    • Pachyrhinosaurus
    • Styracosaurus
  • Chasmosaurinae
    • Agujaceratops
    • Anchiceratops
    • Arrhinoceratops
    • Chasmosaurus
    • Diceratus (früher Diceratops)
    • Eotriceratops
    • Pentaceratops
    • Torosaurus
    • Triceratops
  • Nomina dubia
    • Agathaumas
    • Ceratops
    • Dysganus
    • Notoceratops
    • Polyonax
    • Ugrosaurus