Chiki
A Chiki oda Chickee is a Pfoihittn, de wo vo de Seminolen - an Indiana-Stomm aus Florida entwicklt woan is. 'Chiki' is des Seminolenwoat fia "Haus". A Original-Chiki is aus an Poimbladdldoch und Sumpfzypressenpfeila aufbaut.
Fia a jede Funktion, wia Kochn, Schlofa, Essn, Orbatn, hods oagne Chikis gem. Zamma hom de Chikis a Doaf buid, des wo praktisch wia a Kommune funktioniat hod.
Chikis heit[Werkeln | Am Gwëntext werkeln]
Chikis wean in Florida aa heit no vo Indiana (de Miccosukee) gnutzt. Chikis wean oba aa fia Goatnhaisln vawendt und zum Campen in de Everglades. Es gibt in Florida aa Restaurants, de wo wia Chikis aufbaut san.
De Camper-Chikis in de Everglades san Hoizkonstruktionen, wo 4-5 Camper Plotz hom. Es gibt a Doppe-Chikis, wo zwoa Chikis duach an Steg kombiniat san und 8-10 Camper aufnehma kena. De Camper-Chikis san deshoib notwendi, weis im Sumpfgebiet vo de Everglades wenig festn Grund zum Campen gibt.