Christian Ude

Der Artikl is im Dialekt Obaboarisch gschrim worn.

Christian Ude 2006

Christian Ude (* 26. Oktober 1947 in Minga) is a bayrischa Politika (SPD) und seit 1993 Obabuagamoasta vo Minga.

Nach oana Karriere ois Journalist (Süddeutsche Zeitung), Rechtsanwoit und Pressesprecha vo da SPD, is a am 2. Mai 1990 zwoata Buagamoasta vo Minga woan.

Am 12. September 1993 is a ois Nochfoiga vom Georg Kronawitter nacha zum Mingara Obabuagamoasta gwäit woan. Mit 50,8% vo de Stimma woa des scho im easchtn Woigang entschiedn. Er is etz scho dreimoi wiedagwäit woan: am 13. Juni 1999 mit 61,2%, um 3. März 2002 mit 64,5 % und am 2. März 2008 mit 66,8 %. 2005 is a zum Präsidentn vom Deitschn Städtetog gwäit woan.

Nem seina Orwat ois Obabuagamoasta is da Ude a zeitweis ois Buachautor und Kabarettist tätig gwen. Reglmäßi schreibt a Kolumnen in da Mingara Abendzeitung. Außadem is a Mitglied vo 1860 Minga und und sitzt bei de Sechzga im Afsichtsrot.

Auszeichnunga

• 1988: Mingara Großstodtpreis „Die Löwenpfote“ firn Einsotz geng Entmieta und Wohnungsspekulantn
• 1998: Bundesverdienstkreuz
• 1999: Karl-Valentin-Orden
• 2001: Ehrenbiaga vo da Insl Mykonos in Griachaland
• 2001: Bayerischer Poetentaler
• 2002: Medaille München leuchtet (fir bsondare Vadeanste um Minga)
• 2004: Bayerischa Vadienstordn
• 2005: Ehrnbiaga vo da Stodt Pülümür in Ostanatolien/Türkei
• 2006: best-for-bike: Fahrradfreundlichste Persönlichkeit (gestiftet vom VSF e. V.)
• 2006: Sigi-Sommer-Taler Kunstpreis
• 2007: Großoffizier vom Vadienstordn vo da Italienischen Republik

Beleg

Beleg

Vaeffentlichunga

• Wege aus der Wohnungsnot. Minga 1990.
• Meine verfrühten Memoiren. Minga 1993.
• Chefsache. Minga 1999.
• Ich baue ein Stadion und andere Heldensagen. Minga 2004.
• Stadtradeln. Minga 2000.

Im Netz

 Commons: Christian Ude – Sammlung vo Buidl, Videos und Audiodateien

• Literadua vo und iwa Christian Ude im Katalog vo da Deitschen Nationalbibliothek
• Hoamseitn vom Christian Ude
• Deitscha Städtetag Biografie
• Do schreibt da Obaburgamoasta