Chuzpe

Chuzpe, aa Chutzpe (ausm jiddischn חוצפה [chùtzpe] vo hebräisch חצפה [chuzpà] fia „Frechheit, Dreistigkeit, Unvaschämtheit“ entlehnt) is a Mischung aus Unvaschämtheit, charmanta Dreistigkeit und Züvücourage.

Im Hebräischn is da Begriff im Sinn vo Unvaschämtheit nua negativ besetzt. Im Jiddischn is a positive Bedeitung dazua kumma. A jiddischa Spruch sogt: "Mit Chuzpe setzt mer Alles dorch!" (Frechheit siegt.)

Chuzpe wiad oft ois jidisches Wesnsmeakmoi bezeichnet. Im Couplet vo Louis Böhm "Die jüdische Chuzpe" (vo 1910) haßts: "Ein Jüd ohne Chuzpe, das ist gar kein Jüd." Vo Nedjudn wiad de Charaktaeignschoft aa oft ois jidische Arroganz augseng.

Literadua

• Hans P. Althaus: Chuzpe, Schmus & Tacheles: jiddische Wortgeschichten. Beck, Minga 2006, ISBN 978-3-406-51065-6 (S.76 ff)