Claudia Koreck
| Der Artikl is im Dialekt Nordboarisch gschrim worn. |
D'Claudia Koreck (* 28. Mai 1986 z'Traunschtoa) is a daitsche Sängarin und Liedaschraiwarin, wau af boarisch singt. D'Claudia is zeast z'Traunschtoa afgwaxn, spejda z'Hofschloch und dann is af Micha zong.
Inhoitsvazeichnis |
[drå werkln] Lem
Mit zwöf Jaua haud d'Claudia mit'm Musizian oogfanga und mit 16 haud s' an Prais vum Bundesministerium fia Büidung und Foaschung krajgt. Sie schpüit Klavia und Gita. Am Oofang haud s' aa af englisch und schtandarddaitsch gsunga, ajtza singt s' af boarisch.
2005 haud s' am Gsangswettbeweab „Lokal Hero“ vum Blickpunkt Wochenblatt Rosenheim und vum Regionalfernsehen Rosenheim tailgnumma. 2006 is af da Wiesn z'Micha aftren. 2007 haud s' da Radiosenda Bayern 3 mit iam Lied „Fliang“ entdeckt und Weabung fia iara gmacht. Am 17. August 2007 is ia easts Ajbum rauskumma, wos aa „Fliang“ hoißt. Z'Bayern is 's sofoat af 'n eastn Plotz vu de am maistn vakafftn Ajm kumma, daitschlandwait is 's af Oohieb af 'n 15. Plotz vu de Charts kumma. D'Claudia is a Mitglied vum Projekt „menschenskinder“.
D'Single „s'Ewige Lem“ vu 2008 is ajs Titllied vum Joseph Vilsmaier saina Naifassung vu da Gschicht vum Brandna Kaschpa heagnumma woan.
Am 13. Febra 2009 tritt s' mit iam Lied „I wui dass du woaßt“ fia Bayern am Stefan Raab saim Bundesvision Song Contest oo. Am glaichn Doch kummt aa ia zwoats Schtudioajbum „Barfuaß um die Welt“ raus.
[drå werkln] Momentane Mitglieda vu da Claudia Koreck Band
- Claudia Koreck (Gsang, Gita)
- Andreas „Andi“ Dombert (Gita)
- Andreas „Otto“ Schellinger (Bass)
- Manfred „Manni“ Müller (Schlagzaich)
- Stefan Weiser (Keyboard)
[drå werkln] Diskographie
[drå werkln] Singles
- 2007: Fliang
- 2007: I mog de Dog
- 2008: Schuah aus
- 2008: s'Ewige Lem
[drå werkln] Ajm
- 2007: Fliang
- 2008: Fliang 2te Auflage
- 2009: Barfuaß um die Welt
[drå werkln] DVD
- 2008: I kon fliang (Live-DVD)
[drå werkln] Projekt mit menschenskinder
- 2006: Wenn der Mensch (Single mit menschenskinder)
- 2007: Wenn Du lachst (EP mit menschenskinder)
- 2008: Neue Generation (CD mit menschenskinder)
[drå werkln] Im Intanett
- Claudia-Koreck.de Hoamsaitn vu da Claudia Koreck
- D'Claudia Koreck und da Bernhard Fleischmann vu Bayern 3 singa „Weus'd a Herz hast wia a Bergwerk“
- Willi`s Claudia Koreck Fanseite Fensaitn vu da Claudia Koreck
