Corona
Aus Wikipedia
| Der Artikl is im Dialekt Owaöstareichisch gschrim worn. |
Corona is da Nãum vu am mexikanischn Bia, des vu Grupo Modelo braud wiad. Des Bia wiad in mea wia 150 Lända vu da Wöid vakauft, is in seina Hoamat s'meistvakaufte Bia vu ålle und wiad aa intanazjonal imma eafoigreicha. So wean in Deitschlãnd mittlaweile im Joa guad 45.000 Hektolita unta d'Leid bråcht.
In de USA is s'Corona mib'm Heineken s'meistimpoatiate Bia und wiad duat meistns direkt aus da Flåschn drunga, wobei ma a Stickl Limettn im Flåschnhåis stecka hod. Dea Brauch is oba koa Gaudigspüi sondan håd an bestimmtn Hintagrund: Weu de Flåschn ãndas wia bei uns duachsichtig san, kinan si duat grauslige Stoffe büidn, de ma mit da Limettn weggaputzt. Ãnschliaßnd druckt ma d'Limettn in d'Flåschn eini, woduach s'Bia dãun an fruchting Gschmåck kriagt.
In Eiropa findt ma hauptsächli de 0,33-Lita-Flaschl, eigntli gibt's s'Corona åwa in vüi mea Flåschngreßn und åb und zua findt ma's aa åis Fasslbia und Dosnbia.
Im Gengsåtz zum mittleiropäischn Bia is des mexikanische Corona a Maisbia. Außadem san Wåssa, Geaschtnmåiz, Reis, Hopfm, Hefn, Papain und Ascorbinsäire drinnan; da Alkokolghåit is 4,6 Volumsprozent.
