Da Huawa, da Meier und I

Aus Wikipedia
Wexln zua: Navigation, Suach

Da Huawa, da Meier und I han a boarische Musi-Kapäin aus da Owapfoiz und Niadabayern. Grindd worn is de Gruppm anno 2000 vom Huber René (da Huawa), vom Meier Hias (da Meier) und vom Mühlbauer Sigi (I). Wia da Huber René nach kuaza Zeit scho wieda ausgschdieng is, is fia eam da Maier Christian dazuakema. In dea Zammasetzung spuit de Band bis heit.

De Gruppm gheat za de bekanntastn Vatreta vo da kabarettistischn Neien Voiksmusi. Singa deanas af Boarisch. S Spektrum vo da Musi geht vo traditionäi mit Ziach und Klampfn iwa Reggae, Blues und jazzign Klang. De boarischn Texte dazua san kritisch und hintasinnig, oba imma witzig.[1]

Textbeispui: Bayernland[VE | Weakln]

ja i kimm
und er kimmt
ausm schneena Bayernland
wo madl so fesch san
und buama de san guad beinand

...

aa mia gfoit de gmiatlichkeit
dahoam is hoid einfach dahoam
wei wenst nua dahoam bist
donn konst aa moi fuatfoarn[2]

...

Textbeispui: Fensterstock Hias[VE | Weakln]

"Da Huawa, da Meier und I" ham 2010 a moderne Variantn vom Fensterstockhias aussabrocht. A kloana Textauszug davo:

Znagst hod mia mei Diandl a E-Mail zuagschriem
Warum i gor nimma im Chatroom drin bin
Is d Standleitung hin
Dass i gor nimma kimm?
Hollariadaidehollaradiho
Hobs E-Mail aufgmocht, hod mas Herz im Leib glocht
Und hob mi glei eingloggt, in da stockfinstan Nocht
Bei da stockfinstan Nocht
De Tastatur krocht.
Hollariadaidehollaradiho

und so weida...

Diskografie[VE | Weakln]

Oibm[VE | Weakln]

  • 2006: Bayern und Anderswo
  • 2007: Fensterln, Schnupfa, Volksmusik (Sex, Drugs and Rock'n Roll)
  • 2010: Vogelfrei (mit ana moderna Variantn vom Fensterstockhias)
  • 2012: Tonbandl (fia Aprui 2012 okindigt)
  • 2013: d' Würfel san rund

Oanzl[VE | Weakln]

  • 2005: Ohne Hosn, Ohne Schua (Maxi Single)

Doku DVD Fuim[VE | Weakln]

  • 2009: ... Da Huawa da Meier und I (DVD Fuim)

Auszeichnunga[VE | Weakln]

  • 2005: Kloans ScharfrichterBeil auf de Passauer Kabaretttage
  • 2006: Zwoata Plotz ban Internazjonaln Thurn-und-Taxis-Kleinkunstfestival in Rengschbuag

Beleg[VE | Weakln]

  1. „Da Huawa, da Meier und I“ zeigen ihre Interpretation von Volksmusik (merkur-online)
  2. Bayernland (Youtube)

Im Netz[VE | Weakln]