Dazlwuam

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
So schaud a aus, song de Laid

Da Dazlwuam is a Fabl-Viech aus da oipmlendischn Sagenwød fu Esdaraich und Boarn bis in de Schwaiz und Fraunkraich. Aundane Naumen fian Dazlwuam han: "Brazlwuam", "Schbringwuam", "Schdoakoz", "Schdoinwuam" oda "Beagschduzn". In de franzesischn Oipm nenan s n a "Arassas".

Da Dazlwuam in Sagn[VE | Weakln]

Da Dazlwuam kimd in fü Sagn fu da gaunz Oipmgegend fia und soid a Fich sai des hoch om in de Beag wond, in Schdoin oda Gruam hausd und des hauptsechli daun zum seng is, waun s im Suma laung hoas und druka is und s Weda drauf gach umschlogt. Ea wiad beschrim ois 80 Zantimeta bis an oanadhoib Meta laungs Reptil, mid Schupn und Dazl oda Brazl ois Hend und Fiass. Ea ligt gean auf an grossn Schoa und sond si duat in Rua. Waun a owa fu am faiadn Waundara, am Jaga oda an Wüdara aufgschaicht wiad, reagiad a oft agressif und graift au. Sunst schaicht a d Laid und faschdegt si liawa.

Ausgschdoams Oipmreptil?[VE | Weakln]

Da Dazlwuam fum Dochschoa, dea im 18. Joahundat an jungan Beasch fu Gosau aungschbrunga hom soi und eam bissn hod. (Büd fu 1835)

Im Gengsoz zu de Ainhearna, de Sfinxn und Zentauren, miassn de Gschicht fum Dazlwuam ned umbedingt kompet aus da Fantasi fu de Laid fria entschbrunga sai. Es kintad duachaus sai, dass fria in de Oipm soichane Reptilien glebt haum, de filaicht eascht in jingana Zaid ausgschdoam san. Dafia schbrechn foigende Argument:

dafia[VE | Weakln]

  • fia a Fich aus da Sagnwød is da Dazlwuam hoibwegs unschbekdakulea
  • fia a Fich aus da Sagnwød glingan de Beschraibungen fu dem Fich realisdisch (zu mindest deoretisch)
  • in aundane Kontinent gibt s duachaus Reptilien de so oda so enlich ausschaun
  • es gibt bis zum Aunfaung fum 20. Joahundat an Haufn Laid de in Dazlwuam gseng haum woin
  • naumhofde Biologn und Zoologn haum si mid da Suach nochn Dazlwuam bschefdigt

Nem Hoizgnecht und Waundara, Hiatnkinda und Senarinen, de aungeblich des Fich gseng haum, gibt s im 19. Joahundat a fü guad-biagaliche Laid wia Apodeka, Leara und Brofessoan, de behaupt haum, eana is so a Dazlwuam in de Beag iwa n Weg grend. Drozdem hod nia oana an aifaunga kina oda sunst an Bewais midbringa.

Im 1935 hod owa a berlina Fotograf, dea weng Laundschoftsaufnaumen in de schwaiza Beag untawegs woa, zufelig an Schnopschus fu am Dazlwuam gmocht. Ea hod bericht, das a an intresantn Ost fotografian woit, wia dea si auf oa Moi zum rian augfaungd hod. Do hod a nu goch obdrukt, oa oanzigs Foto gmocht und is daun wega grent, wai eam da Dazlwuam noch is und eam baissn woit. Auf dem Foto ('schau bai de Beleg unt) siagt ma schau a Drum, des a diks Reptil mid Fiass sai kintad. Bewais is des owa a koana.

dageng[VE | Weakln]

Iwahaupt gibts fü Argument, de dageng schbrechan, das iagend amoi so wos wia a Dazlwuam wiakli gem hod:

  • es gibt koane Skeletfunde oda Fossilien
  • neamt hod jemois an Dazlwuam aifaunga kina
  • es gibt koan aindaitign Bewais fia de reale Exisdenz fu so am Fich
  • es kintad si bai de gaunzn "Sichtungen" fu so am Dazlwuam a um Fawegslungen mid aundare Ficha gaundl hom, de woss wiagli gibt - zum Baischbü mid am Fischota (Lutra lutra), oda ana Graizzota (Vipera berus). Laid mid ana Schlaunganfobi keman soiche Ficha oft gressa und bedrohlicha fia, ois wia s wiakli san.

Konklusio[VE | Weakln]

Fois da Dazlwuam jemois exisdiad hod, is a woaschainlich genau foa Eafindung fu da Fotografi, Infrarotkamaras und Nochtsichgeret ausgschdoam. Auf jedn Foi wean de aungeblichn Sichdungen im 20. Joahundat oiwai wenga und ma hod a niangs an archeologischn Bewais gfundn.

Beleg[VE | Weakln]