Dexel
Aus Wikipedia
De Dexel oda Dechsel (friara aa maskulin; aa Dachsbeil oda Querbeil) is a Weakzeig zua Hoizbeorbatung. Im Untaschied zua Hogg und zum Hagge liegts Bladdl quea zum Stui, so wia bei da Hau.
Es gibt vui vaschiedane Ausfiarunga, je noch Owendung. Voa oim fia de Zimmara und Schiffbaua woa de Dexel unvazichtboa und wead bis heizdog vawendt.
De Dexel gibts scho seit da Stoazeit. Historisch is de Dexel voa oim zum Aushejn vo Hoiz vawendt woan. Damit hod ma nacha an Trog, Oabaam, Behejta oda a Rinn mocha kena. De Dexel woa aa a wichtigs Weakzeig fia de Pecha. In oidägyptischa Zeit bis ins Middloida is de Dexel aa vo Stoametzn vawendt woan.
[drå werkln] Schaug aa
- Hogg, aa Hogga oda Hoggn
- Hagge, kloane Hogg
- Tomahawk, indianisches Hagge
- Schnoatbrax, aa Sope, fias Beweng vo Baam
- Hau (Fejdhau, Fejdhogg)
- Grompm, Spitzhogg und Hau in oam
- Broadhogg, Hogg mit an broadn Bladdl
[drå werkln] Im Netz
| Commons: Dexln – Buidl, Videos und/oda Audiodatein |
