Dischkrian:Alveolar

Dischkuas

Danke! Des nutz i iatst aus ;-)

A Fråg, de mi echt schãu lãng zwickd: Gibt's zwischn s und z̥ nu an fonetischn Untaschiad? lg,→ «« Man77 »» 20:11, 25. Nov. 2008 (CET)

Gem tout's oan, sunst gawad's koane zwoa Zaichn niat. Da Unterschid is, daß es [s] a weng schirfer is wej es [z̥], olso pfalgrod a schorfs "ß". Wej ollas is in Boarischn, des kåst'da af Boarische Dialekte im Vagleich dalesn, dou spült mejerer mit. Gnau gnumma kinna olle boarischn Raiblautt dean Unterschid hom, ner how'e aa in dean Artikl aa IPA-masse niat olle Unterschid gschrim. Baispülswais in olte nordboarische Lånddialekte es sprirantisierte "g", is ejer "hauchad" wej "kråtzad": [ɐ moːɣ̊ɐrɐ d̥oːɣ̊] ("ein magerer Tag"). Ban "s": [d̥eːz̥ iːz̥ ĕ dĕ haiz̥ɐ] (" das ist in den Häusern"). Sechtane faine Unterschid wirst ower ba jingere Lait, ba de Stoddialekte, oder gor ba de Regiolekte ee nemmer finna. Des valejst'se ollas schej stad, glaicht'se erscht ån de oafachere iwerregionale Vakerssprouch å, und nouchat ån d Standardsprouch. -- Sinnierer 22:33, 25. Nov. 2008 (CET)