Dischkrian:Radio

Dischkuas

Griast eich, da Radio-Eintrag wor mei easchta in da boarischen Wikipedia und jetzt mechat i gern moi von de Leit, de do schon lenga dabei san wissn, wos es davu hoits. Sichalich gibts iwa so an Radio no vui mehra zum dazein, owa i hab ma denkt, i probiers amoi und frog donn noch, wos i no bessa mochn kant. Bin via jegliche Kritik offen.

An schen Gruaß winscht das Sepp vom Cheamsee

Fia'n Ãufãng auf jedn Fåi ned schlecht ;-)

Wãun'st glaubst, dass'd öftas herin sei weast, mecht i da empföihn, dass'd di ãumöidst, weu ma di dãun aa wiedadakennt und mid dia leichta Kontakt aufnehma kãu und du aa söibstständiga wiast (du kãunst dãun söiwa zB Artikl vaschiam und Büidl auffalåna und so Zeigs). Des muaßst åwa du entscheidn.

A påa Tipps nu: Varåt uns doch im Artikl, wås des fia a Dialekt is, weu dãun is da Artikl makiad und bleibt in dem Dialekt und es kimmt ka Mischmasch außa, bei dem si kana mea auskennt. Då herin san nämli ålle Dialekte gean gseng, åwa a anzlna Artikl soit nua aus oam besteh. Des Makian geht mid da Vorlage:Dialekt-oben, wo ma sei Dialektgruppm und in genaun Dialekt eisetzt. Inhåitlich kãu i da åis Laie in hochdeitschn Artikl empföihn, vielleicht siachst da då nu a påa Punkte, de'st eibaun kinnst.

S'anzige, wås mia ned taugt, is de Gschicht mi'm Wendlstoa. Da boarische Språchraum is groß: Drum soit ma ned drauf bau, Assoziazionen vu da ãngeblichn vatrautn Hoamat eizbau, um wås zum eakläan. D'boarische Wikipedia is ka Spüilarei vu da Hoamat fia'd Hoamat sondan a Nåchschlågweak fia ålle, de de Språch vastengan. Und vüi vu denen eakläast mid so am Beispüi nix. Åwa ma kãu so Såchn freili einischreim um Beispiele zum bringa, wobei des in dem spezielln Fåi glaub i ned umbedingt netig is, außa ma håd a Büidl und schreibt dazua wås fia an Måstn des genau zoagt.

Des schreib i da åwa netta, weu'st "fia jegliche Kritik offn" bist. Des is nua a Klanigkeit. Im Grund gnumma håst schãu an guadn Beitråg gmåcht und i bau drauf dass des ned dei letzta woa. I gfrei mi, dass wieda ana hea gfundn håd und aa wås tuad! lg, --i bin da Man77 und do kaunst mit mia redn 18:48, 4. Jun. 2008 (CEST)