Domain Name System
| Der Artikl is im Dialekt Obaboarisch gschrim worn. |
S' Domain Name System (DNS) is as Adressbiachal in am IP-basiertn Netzwerk und damit a im Internet. Domit werd fia an Nama, z.B. bar.wikipedia.org a IP-Adress gfundn, in dem Foi 91.198.174.232. S' is auf vui DNS-Server vateilt, wovo koana olle Adressn kenna duad, aba jeda Server mindestens oan andan Server kinnt, den a Frong ko, wenn a säiba koa Antwort ned woas.
Fia a Vabindung in am IP-basiertn Netzwerk bracht ma ned unbedingt as DNS. Aba wenn ma mit Nama und ned mit de Nummern arban mecht is zwingend notwendig. Desweng is de IP-Adress vo am DNS-Server oane vo de Grundeinstellunga vo am Rechner, dea zua am IP-basiertn Netzwerk gheart. De gheart mit am Standard-Gateway, da eigna IP-Adress und da Subnetzmaskn zua de Grunddaten, de am Rechner vo am DHCP-Server zuagwiesn wern. Iablichaweis gibt ma zmindest zwoa DNS-Server o.
Inhoitsvazeichnis |
DNS-Server [dro werkln]
A DNS-Server is eingle nua a Programm, des Ofrong säiba beantwortn oda an andane DNS-Server weiterleitn ko. In da Umgangssprach werd a oft der Rechner auf dem des Programm lafft DNS-Server gnennt. In Microsoft-Windows-Domänen is da DNS-Server a Teil vom Domain-Controller.
oanzlna Rechner [dro werkln]
A oanzlna Rechner, dea an direktn Zuagang ins Internet hod, muaß de Adress vo zmindest oam effentlichn DNS-Server kinna, sunst ko ma nua mit de IP-Adressn arban. Vom Internet-Anbieter wern oam dadafia zum Einrichtn de passndn Adressn gnennt.
privats Teilnetz ohne eigna DNS-Server [dro werkln]
Do miaßn entweder de Adressn vo effentliche DNS-Server an jedm Rechner eitrong wern, oda ma vateilt de Information iaba DHCP. De meistn Router, de ma vo Internet-Anbieter zua Vafiagung kriagt hom an DHCP-Server, dea scho richtig eigstellt is.
privats Teilnetz mit eignem DNS-Server [dro werkln]
Wenn ma an eigna DNS-Server hod, miaßn do de Adressn vo de effentlichen DNS-Server eitrong wern. Sunst ko der eigne DNS-Server nua Frogn zua de Adressn vum eigna Netz beantwortn. De Adress vum eigna DNS-Server muaß bei olle eigna Rechner vo Hand oda per DHCP eitrong wern. De Router, de in kloane Netzwerk fia de Vabindung zum Internet heagnumma wern kinnan oft a ois DNS-Server arban. Fia aufwändigere Netzwerk richt ma iablichaweis an eigna Rechner ei, da unta andam de Roin vo am DNS-Server iabanimmt. Fia'd Zuvalässigkeit bracht ma zmindest zwoa davo.
