Dschidda

Der Artikl is im Dialekt Owaöstareichisch gschrim worn.

D'Låg vu da Ståd in Saudi-Arabien

in da Åidståd

Dschidda (oft Jeddah, arabisch: جدّة‎‎, DMG Ǧidda is a Ståd in Saudi-Arabien. Dschidda is d'wichtigste Håfnståd vum Lãnd, liegt am Rodn Mea und håd üwa 3 Millionen Einwohna.

Silhuettn vu Dschidda am Åmd

Weu Mekka, s'Pilgazentrum vum Islam, netta guade siebzg Kilometa weida im Lãndesinnaren liegt, håd Dschidda aa åis Ãn- und Duachreiseoat vu am Haufn Pilga, de in Hadscha måchn, a wichtige Roin. Åis kommeazielles Zentrum vum Lãnd is Dschidda ane vu de reichstn Städt im arabischn Raum; duach de vüin Pilga, vu denen si imma wieda oa in Dschidda ãusiedln, is Dschidda ethnisch vüi gmischta wia da Großteu vum Lãnd. Da Großteu vu de Dschiddana is sunnitisch muslimisch.

S'åide Dschidda, des ungefäa 19 Kilometa südlich vum modeanen Zentrum liegt, is in da Mittn vum 7. Joahundat vum Kalif Uthman ibn Affan åis Håfn fia Leid, de in Hadscha nåch Mekka måchn, aufbaud woan, nåchdem's duat schãu tausnd Joa lãng a Fischedeafi gem håd. Seid 1925 ghead Dschidda zum saudischn Reich.