Duromer

Aus Wikipedia
Wexln zua: Navigation, Suach

A Duromer is a Weakstoff der, wann a ausgead is, nimma vafoamt wean kon. Oft find ma aa de Bezeichnung Duroblast de awa teilweis umstrittn is wei mas nochm ausheadn em nimma vafoama kon. Es san Polymerwerkstoff de wo aus mindestns zwo Komponentn zammgmischt wean und nachad entweda bei Ramtemparatua, unda Hitzn und oft mit Katalysatoan ausheadn. Dabei wean de Molekui mid kemische Vabindunga vanetzt.

Aufbau[VE | Weakln]

Aufbaud sans wia olle Kunststoff aus Makromolekui. Da Undaschied bei da Vanetzung zwischn Duromer und Elastomer is wia eng dass is. Wei ma de Eignschaftn awa so genau eistoin kon is a kare Grenz schwaar zum ziang. Da Eigentliche Weakstoff entstät aus Harz, Heada und oft nu andane Zuasätz erst bein Vaarbatn.

Eignschafdn[VE | Weakln]

Je enga dass vanetzt san desdo heada awa aa spröda und weans. Desweng nimmd mas meisdns nua mid Fui- oda Vasteakungsstoff hea. So kon ma aa den Schwund dea wo duach de kemische Vanetzung endstäht zu am Teil ausgleicha.

Se hom a recht hoche Weamefombsendigkeit. Des hoaßt dass ned wia Thermoblastn bei hechane Temparatuan schnoi eana Fesdigkeit valian. Eascht recht kuaz vor da theamischn Dasetzung sinkt de Fesdigeit a bissal. Gega kemische Dasetzung sans aa recht guad bschdändig.