Extrusion

Aus Wikipedia

Extrusion hoaßt ma Vafahren bei dem a zachflüssige Mass in am kontinuierlichn Vafarn duach a Düsn druckt wead. Dazua wead as sognennde Extrudat in am Extruda mit innara Reibung homogenisiat und wanns es braucht aufgschmoizn, oft hod ma aa no a Temperierung. Dabei wead a Druck aufbaud den wo ma braucht dass ma de Massn duach de Düsn duachedrucka kon. Coextrusion is wenn ma zwoa oda meara Materialien in oam Arbatsgang ibarananda extrudiaa.

Kunststoff extrudian[Werkeln | Am Gwëntext werkeln]

Theamoblastn miassn nochm aufschmuizn im Extruda wieda obkuid wean biss wieda fest und stabil gnua san dass eana foam bhoidn.

Realdüsn mit am orangschn Real und a Kalibriarung (vo links noch rechts)

Des kon in a meistns wassakuidn Kalibriarung bassian. Do wead meistns nu a Vakuum oglegt, des vabessat de Obaflächn und Moßgnauigkeid vom Weakstückl und wega dem direktn Kontakt mit da Kalibriarung aa de Weameleidung ausm Material naus damits schneia wieda koid und fest wead. Wenn ma in den Extruda nu Fasan mit neiduad kon ma so heagstoide Weakstückln aa nu vasteakn.

Tippische Sachan de so heagstiod wean:

  • Heizungsreal
  • Obwassareal
  • Schleich
  • Kabeisolierunga
  • Fenstabrofui aus PVC

Vui Kunststofffolien wean aus Theamoblastn extrudiat. Do gibts zwoa wichtige Vafahrn:

  1. Chill-Roll-Vafarn
  2. Folienblosn

Ma kon aa duroblastische Kunststoffe extrudian. Do muas ma saggrisch aufbassn dass des Extrudat ned scho im Extruda sundan eascht danoch ausheat. De Hauptaufgob vo da Kalibriarung is dabei dass as Weakstückl de richtign Moß hod.

Andane Materialien[Werkeln | Am Gwëntext werkeln]

Essn

  • Broddoag
  • Nudldoag
  • Eadnussflips
  • Guadlmassn, aa mid a Füllung

Medoi

Ma hoasts beim Medoi Strangpressn, aba es funktioniat genauaso.