Farchat

Aus Wikipedia
(Weidagloadt vo Farchant)
Wexln zua: Navigation, Suach
Der Artikl is im Dialekt Werdenfoiserisch gschrim worn.
Wappm Koartn
Woppm vo Farchat}
Farchat
Koartn, Position der Gmoa Farchat hervorgehoben
47.53333333333311.116666666667672Koordinaten: 47° 32′ N, 11° 7′ O
Basisdatn
Bundesland: Bayern
Regiarungsbeziak: Obabayern
Landkroas: Garmisch-Partenkirchen
Häh: 672 m ü. NHN
Flächn: 25,76 km²
Eiwohna: 3638 (31. Dez. 2012)[1]
Dichtn: 141 Eiwohna je km²
Postleitzoi: 82490
Voawoi: 08821
Kfz-Kennzoachn: GAP
Gmoaschlissl: 09 1 80 116
Adress vo da
Gmoavawoitung:
Am Gern 1
82490 Farchat
Hoamseitn: www.gemeinde-farchant.de
Burgamoaschta: Martin Wohlketzetter (SPD)
Log vo Farchat im Landkreis Garmisch-Partenkirchen
Kortn

Farchat, amtli Farchant, isch a Gmoa an ouwaboarischn Landkroas Garmasch-Patakurch mit 3.688 Ejwohna (31. Dez. 2009).

Eadkund[VE | Weakln]

Farchat lieg a da Luisa a da Regiou Zugspitzland an Werdnfoisa Land. Dej Gmoa lieg zwischn zwoa Gebirg, dejs oane isch as Ammagebirg wou d'Sunn untageat un wou d'Sunn aufgeat, dejs isch as Eschdagebirg. Garmasch-Patakuarch isch südle ebba 4 Kilometa weida un im Nordn kimmscht noch ebba 80 km auf Minchn eje.

Es exischtiern fuignde Marchen: Farchat

Gschicht[VE | Weakln]

Um ebba 600 n.Chr. san am Toi a da oidn Rejmastraß, da Via Claudia Auguschta, vou deara ma a bor Sticklan nou ganz guad fohrn hot kenna, nuije Ortschaftn gründat worn. Do dabej war ou Farchat. Dej easchtn Leid, dia wou do gwount hom, hom ihrn Ort noch da Farch, dej wou üwaroi wüd gwachsen isch, Forchheida g'nennt. Dej easchtn Derfla warn wohrscheinle nou Heidn un hom eana Hörwa in Form vou oafache Huizhittna kheid.

Sou umra 750 sen irische un schottische Mönch as Ouwaland kemma und hom dej Ejwohna zum Chrischtentum bekehrt. Ma geat ou davou aus, dass um dej söbe Zeit auf aran oiden heidnischen Blotz dej easchte Huizkurch baut worn isch.

Dejs easchte moi auf an Zejtl aufgschriem hot ma Farchat an Johr 807. Do ischas drum ganga, dass da Graf Irminher ausn druia Inndoi mitn Bischof Atto vou Freising gschtrien kheid hod.

Da Bischof Emicho aus Freising hot 1294 an Luisadoi vui Zuig und Land zamkofft und auf oan Schlog hot dejs Hoachstift Freising as Song kheid und eanane Bsitztüma zua Grafschaft Werdnfois zamgfasst, dejs a nacha nou bis as Johr 1803 gejm hot. Seitn Reichsdeputationshauptschluss vou 1803 g'heat da Ort zu Bayern. Mit dej Vawoitungsreforma im Kinireich Bayern isch mitn Gmoaedikt vou 1818 dej hejntige Gmoa entstanna.

Politik[VE | Weakln]

Gmoarot[VE | Weakln]

Da Gmoarot vou Farchat setzt si aus 17 Mitgliada zsam, inklusiv am Burgamoaschta.

CSU SPD Freie Woia Gsamt
2008 6 3 7 16 Sitze

(Stand: Kommunalwoi am 2. Mörz 2008)

Burgamoaschta isch da Martin Wohlketzetter (SPD).[2]

Wappn[VE | Weakln]

Dejs Wappn schauk a sou aus: Suiba auf an greana Boun dea mit an suiban Woinboiken belejk isch. Auf dejm Boun stean drui greane Farchen.

Vakea[VE | Weakln]

  • Am 12. Dezember 2010[3] isch auf da Boustreck Minchn-Garmasch-Patakurch da Bouhoit Farchat wieda aufgmacht worn, do hom nämle seit 1984 koane Zieg mea g'hoiten. Dej Roasndn kenna etza oije zwoa Stunna[4] mim Zug vou und noch Minchn und Garmasch-Patakurch fohn.
  • Da Farchata Dunnl: An Mai 2000 isch da 2,4 Kilometa lange Farchata Dunnl eröffnat worn, dejs Bauwerk g'heat zua Ortsumgehung vou Farchat un hot dazua bejdrong, dass an Ort nimma a sou zuageat.

Buidung[VE | Weakln]

An Johr 1999 hot Farchat foigende Einrichtunga kheid:

  • zwoa Kindagartn mit insgesamt 102 Kindergartnblatz
  • oa Vuiksschui mit zejchn Lehra und 215 Schüla
  • dejs Sonderpädagogische Fördazentrum Christophorus-Schui

Galerie[VE | Weakln]

Beleg[VE | Weakln]

  1. Bayerisches Landesamt für Statistik und Datenverarbeitung – Fortschreibung des Bevölkerungsstandes, Quartale (hier viertes Quartal, Stichtag zum Quartalsende)  (Huif dazua)
  2. http://www.wahlen.bayern.de/kw/bgm.php
  3. Wiedereröffnung des Bahnhofs Farchant d'Webseitn vou PRO BAHN, Weilheim. Zletscht ougschauk am 23. Dezember 2010.
  4. KB960 (München-Mittenwald-Innsbruck) Kursbuach vou da Deitschn Bou 2011. Zletscht ougschauk am 23. Dezember 2010.

Literadua[VE | Weakln]

  • Josef Brandner: Farchanter Drei-Föhren-Chronik, Farchant, Selbstverl., 1979

Im Netz[VE | Weakln]

 Commons: Farchat – Sammlung vo Buidl, Videos und Audiodateien