Festung Hohnsoizburg
D' Festung Hohnsoizburg (Hochdeitsch: Festung Hohensalzburg) is as Woahrzeichn vo da Stod Soizburg. Sie liegt auf am Stodberg (Festungsberg), owahoib vo da Oidstod, der se noch Nordwestn in 'n Mönchsberg furtsetzt. Da Auslaifa im Ostn vom Festungsberg haasst Nonnberg. Auf 'm Nonnberg befindt se direkt unta d' östlichn Aussnålong vo da Festung - d' Nonnbergbastein - 's Stift Nonnberg. D' Festung Hohnsoizburg is mid üwa 7.000 m² bebauda Flächn (eischliasslich de Bastein üwa 14.000 m²) ane vo d' gresstn Burgn in Eiropa. Sie is d' gresste Burgålog aus 'm 11. Joahrhundat in Eiropa, d' gresste voiständig dahoidane Burg in Mittleiropa und mid jährlich üwa 950.000 Bsuacha de am heifigstn bsuachte Sehnswürdigkeit in Östareich aussahoib vo Wean, wobei s' aa in da Bundeshauptstod nur vom Schloss Schäbrunn, Tiargortn Schäbrunn, Stefansdom und 'm Weana Proda üwatroffm wird (Bsuachastatistikn 2006 und 2007).
Haidige Nützung [dro werkln]
Hohnsoizburg is dånk vom guadn Erhoitungszuastånd und da Log a Publikumsmagnet. De Festungsålog kå ohne Fiahrung ågschaut wern. Fir d' Eiwohna vom Bundeslånd Soizburg is da Eitritt in d' Aussnålog kostnlos. Fir d' Innenraime (Hohe Stogg, Weahrtirm), gibt 's a Fiahrung mid Audioguides. Neem de Besichtigungen findn reglmässige Konzerte stott, de Kapöin wird eemfois gnützt. Auf da Festung befindt se no zuasätzlich 's Museum vom Erzherzog-Rainer-Regiment. Aussadem findn no Kurse vo da Summaakademie Soizburg stott.
Åsicht [dro werkln]
