Franz von Kobell

Aus Wikipedia
Wexln zua: Navigation, Suach
Der Artikl is im Dialekt Owaöstareichisch gschrim worn.
Da Kowi Fraunz (1803-1882)

Da Kobell Fraunz (Franz Ritter von Kobell) is am 19. Juli 1803 z Minga auf d Wød kema und am 11. Nofemba 1882 doatn gschdoam und woa a Minearalog, Brofessa auf da Uni und danem a nu a Litarat dea auf Boarisch Gschichtn und Gedichtl gschrim hod.

Sai Lem[VE | Weakln]

Familie und Beruf[VE | Weakln]

In Franz von Kobell sai Fota woa da Mola und Zaichna Franz Kobell senior aus Mannheim, dea fü in Italien untawegs woa, fian Goethe Woifgaung Ilusdrazionen gmocht hod und si zum Schlus in Minga niada lossn hod. Sai Muata woar a Ungarin.

Noch dem da Fraunz junior in Minga auf da Uni woa, wo a unta aundam a bai da "Corps Isaria München" Fabindung dabai woa, und a in Landshut und Erlangen schdudiad hod, is a Brofessa fia Minearalogi auf da Ludwig-Maximilian-Uni z Minga woan. A Wismu-Antimon-Blaieaz is sogoa noch eam Kobellit gnend woan.

Da Litarat[VE | Weakln]

Haid is a owa hauptsechli desweng bekaunt, wai a danem a nu Schriftschdöla woa und Gschichtn und Gedichtl in da owaboarischn Mundoat fum 19. Joahundat gschrim hod. A boa fu saine Sochan han owa a in da kurpfelzischn Mundoat fu Mannheim dicht, de a fu saim Fota, dea fu doatn woa, a guad im Oa ghobt hod. In Kobell saine Gschichtn dran si oft um d Jogd, um d Liab und uman Wai. Sai Weak is a weng fu da Romantik und im Naturalismus beainflust, de litararischn Richdungen de zu sain Lebdog modean woan.

Nem saine saine Jaga-Gschichtn hod a duzadn Gedichtl im owaboarischn Dialekt gschrim, de haid a wichdige Beleg fia d boarische Schbroch und s Lem fu deara Zaid han.

Da Brandna Koschba[VE | Weakln]

Sai bekaundasts Weak haid is de Gschicht vom Brandner Kasper, de a 1871 in de "Fliegenden Blättern", ana mingara Wochazaidschrift, aussa brocht hod und auf dea des legendeare Deataschdikl fum Kurt Wilhelm basiad, wos jeds Joa im Boarischn Rundfunk z Olahailing im Feanseng rent und a oiwai nu fu fü boarische Deata aufgfiad wiad.

Da Fotografia-Pionia[VE | Weakln]

Gemainsaum mid sain Koleng in Carl August von Steinheil woa da Franz von Kobell a nu da easchde Fotograf in unsana Region. De zwoa haum im Joa 1839 mid oana fum Steinheil Carl entwükitn Kamera Daguerreotipin fu da Gliptodek und fu da Fraunkiacha in Minga gmocht. Mid Süwa-Kloarid und ana Bopndekl-Kamara, im so gnendn Steinheil-Fafowan, haum de zwoa auf de Oat d easchdn Fotografin fu Daidschlaund iwahaupt gmocht.

Dextbaischbü[VE | Weakln]

Denkmoi fia n Franz von Kobell in Minga

Da Franz von Kobell schraibt dailwais an recht uarign owaboarischn Dialekt, dailwais oarientiad si sai Schraibwais owa doch recht noch n Hochdaidschn. An de Raim eakent ma owa, wia de Weata wiakli ausgschbrocha ghean. S wizige is, das bai deara Schraibwais, da Raim sowoi auf Westmitlboarisch ois a auf Ostmitlboarisch und Sidboarisch bast, wai s jeda aso lesn kau, wiar a wü. Da Dialekt, den ea gmoand hod, woa owa a Westmitlboarisch wia ma s im owaboarischn Beaglaund gret hod, des domois nu schdeaka wia haid nochn sidboarischn Diarolarisch und Beag-Soizbuagarisch glunga hod (koa L-Vokalisiarung, "nit" schdod "ned", usw). A guad s Baischbü is sai Gedicht:

Der Pinzger Jaga

Es hat a Jager in Pinzgerland
A Diendl g'liebt von guat'n Stand,
Sie hat ihm aa' wohl freundli' tho'
Und er halt' drum bei'n Vatern o'.
Da Vater aber, a harta Mo',
Der hört 'n gwalti finster o',
Und hebt an' stoanern Kruag in d'Höh'
Und sagt: »Gib Acht und wohl versteh'.
»Bringst du mir an' Kruag, wie der von Gold,
»Mei' Diendl dei' Wei' wohl wer'n sollt',
»Voneh'n i aber den Kruag nit ho',
»So red'n ma weita nimma davo'.«
et cetera ...

Schau a unta[VE | Weakln]

Beleg[VE | Weakln]

 Commons: Franz von Kobell – Sammlung vo Buidl, Videos und Audiodateien