Freya

Aus Wikipedia
Der Artikl is im Dialekt Obaboarisch gschriem worn.
De Freya (Johannes Gehrts, 1901).

De Freya, aa Freja (oidnordisch: Herrin) is da Nama vo da germanischn Geddin vo da Liab und vo da Eh.[1] Se is noch da Frija (Frigg) de bedeidandste Geddin in da germanischn Mythologie. Neizeitli wead se efta mit da Frigg vawexlt, wo no dazua de Frigg im Sundgermanischn Frija hoaßt.[1] De Freya hod Wesnszig vo da remischn Geddin Venus.

Aus da Skaldn-Dichtung san Bschreibunga bekannt, de wo ois Freya-Kenningar afgfosst wean. Des san Mardöll, Menglada, Hörn, Gefn, Sýr und Vanadís.[1]

De Freya gheat zan Geddagschlecht vo de Vanen und ned vo de Asn.[1] Ihr Bruada is da Freyr, ihr Voda da Meeagod Njörd, ia Muada is de Skadi, de Dochta vom Riesn Thiazi.[1]

Beleg[Werkeln | Am Gwëntext werkeln]

  1. 1,0 1,1 1,2 1,3 1,4 Rudolf Simek, Lexikon der germanischen Mythologie, Alfred Kröner Verlag Stuttgart, 1995, S. 109

Literatua[Werkeln | Am Gwëntext werkeln]