Güllandar Ekkelsturtzo

Ditzan gaschrift ist khent gaschraibet naach dar gaboone vom-me Luca Panieri.

Der Artikl is im Dialekt Zimbar-Gaprècht dar Siban Komàüne gschrim worn.

Güllandar Ekkelsturtzo
Güllandar Ekkelsturtzo (Salamandra atra ssp. aurorae)
Systematik
Classe: Amphibia Ordine: Caudata Famiglia: Salamandridae Genere: Salamandra Specie: Salamandra atra Sottospecie: Güllandar Ekkelsturtzo
Salamandra atra ssp. aurorae
Trevisan, 1982

Dar Güllane Ekkelsturtzo (wörtlich: goldener Fleckensalamander, dt.: Alpensalamander) ist an khlòaz sèchle ba-da leebet schiar anlòan in Komàun von Sleeghe. In latàin ditzan sèchle ist ganaamet Salamandra atra ssp. aurorae. Z ist an ekkelsturtzo sobìa dar sain neganorste vraünt dar Sbartze Ekkelsturtzo ba ist ganaamet Salamandra atra in latàin.

Ba leebet diisar?

Dar Güllane Ekkelsturtzo leebet in in bèldarn un biisen vom-me Ekken-Balle (Bosco del Dosso) un in alle de taaldar afan nòrt vomm Èschen-Taale (Val d' Assa) höövanten aan at-te baita Postesina und riivanten in-z Rèndola-Taal (Renzòla) schüschen 1000 un 1600 mèttarn òbarn me meere.

Bia iss-ar galuughet aan?

Ar ist garüstet sbartz met gheelen plètzen fan rukken un zöbarst me khòpfe.

Bia leebet diisar?

Ar hat nèt manghel von laaben vor de sain khindar, ba büürtent lèntikh; ar machet khòone öölen.

Vraünte

Dar Bindate Ekkelsturtzo is nèt an vraünt asò nagan sobìa dar Sbartze Ekkelsturtzo.

De viigar-bizzare straitent. Saint-ta dèrdar, ba kloobent, az dar Güllande Ekkelsturtzo sèa an untar-nuija vom-me Sbartzen Ekkelsturtzen, und se naamant-en Salamandra atra ssp. aurorae. Und andare kloobent, az-ar sèa an andara nuija sèlbort, und se naament-en Salamandra aurorae.

Fan Pasùbien leebet de untar-nuija Salamandra atra ssp. pasubiensis. Diisa ist nèt galàich sobìa Salamandra aurorae, se ist an andara untar-nuija, un de gheelen plètzen saint khlòan und mintzikh.

S börtle "ekkelsturtzo"

S böörtle "ekkelsturtzo" is ganützet nèt anlòan in de Siban Komàüne, badar ka Lusèarn òch und in de 13 Komàüne òch. An "ekkel" ist an khloandar pergh und dar "sturtzo" ist an dinkh ba ist gamachet vomme aisen ba man-sich nützan zo hekken eppasen.

Im-me gaschràibach

Im-me summar 2011 ist-a gabeest an pènta ganaamet Gabìn "Tönle Bintarn" ba an schòan ganaamet "Prèchtet dar Güllane Ekkelsturtzo" hat gasnappet an draiten gabìn. De schòan ist gschraibet-in in dar hòam-zunga von Siban Komàün vom-me Dottoàr Remigius Geiser.

Gaschràibach

• Beukema, W.; Brakels P.: "Discovery of Salamandra atra aurorae (Trevisan, 1982) on the Altopiano di Vezzena, Trentino (Northeastern Italy)." Acta Herpetologica 3 (2008) 77-81.

• Bonato, L.; Grossenbacher, K.: "Evolution of the melanistic color in the Alpine Salamander Salamandra atra as revealed by a new subspecies from the Venetian Preapls." Journal of Zoology72 (2005) 253-260.

• Grossenbacher, K.: "Was ist los mit Salamandra atra aurorae?" Elaphe (N. F.) 3 (1995) 6-8.

Vrömade saiten

• http://www.arkive.org/golden-alpine-salamander/salamandra-atra-aurorae/

• http://calphotos.berkeley.edu/cgi/img_query?stat=BROWSE&query_src=photos_fauna_sci-Amphibian&where-lifeform=Amphibian&where-taxon=Salamandra+atra+aurorae&title_tag=Salamandra+atra+aurorae

• http://www.iucnredlist.org/apps/redlist/details/19843/0

	Den Atigge gibts ois Audiodatei:
	Speichern | Informationen
	Mehr Informationen zur „Gesprochenen Wikipedia“