Gemarkung
Aus Wikipedia
| Der Artikl is im Dialekt Obaboarisch gschrim worn. |
A Gemarkung (a Markung) is a zammahängende Flächn, de wo aus ana grässan Zoi vo Fluastickln bzw. Grundstickln vo am Katasta bestäht. As känna aa mehrare Flurn sein. Da Eignnama vo ana Gemarkung beziagt se moastns af de näxtglegane Ortschoft.
Im Glände wean de Grenzn vo da Gemarkung mit Grenzstoana gekennzeichnet, de wo entweda de Initialn vo de Ortsnama oda mit eigane Zeichn trogn. De Zeichn woan aa oft Grundlogn vo de Gmoawoppm.
In da Regl bestäht s Gebiet vo ana Gmoa aus ana oda mehran Gemarkunga. Oft san des ehemois sejbständige Gmoana, de wo im Laf vo da Gschicht vaeinigt woan san.
Mangmoi kimmts a voa, dass a Gemarkung se iwa mehrare Gmoana oda gmoafreie Gebiete erstreckt. Sowos is imma historisch durch diverse Gebietsreforma bedingt.
