Omtlicha Gmoandschlissl

Der Artikl is im Dialekt Berchtsgoanarisch gschrim worn.

Da Omtliche Gmoandschlissl (Amtliche Gemeindeschlüssel oda AGS), friarar aa Amtliche Gemeindekennzahl (GKZ) oda Gemeindekennziffer, is a Ziffanfoijg zua Identifiziarung vo polidisch seijbständige Gmoandn oda gmoandfreie Gbiat.

Ondane Nomenklatuan zua Obgrenzung vo Gbiat sa zum Beispui de Postleitzoij oda dea NUTS-Code. Im Marketing wean a Nielsengebiete vawendt.

Deitschlond

Ea diant voa oijm statistischan Zweckn unn wead in Deitschlond vo de Statistischn Ämta vo de oanzalnan Bundeslända eiheitli vagemn.

Da Gmoandschlissl is zum Beispui beim Wohnungswechsl auf da Obmeijdung bzw. Onmeijdung onzgemn. Ea wead jedo in da Regl vom jeweijigan Eiwohnameijdeomt im Rothaus eitrong.

Aufbau

Da Gmoandschlissl bsteht aus insgsomt åcht Ziffan, de se wia foijgt zammsetzan: De easchtn beidn Ziffan bezeichnan des Bundesland, de dritte Ziffa den Regierungsbeziak (bei Lända ohne Regierungsbezirk steht do a 0, außa bei Rheinland-Pfoijz, Sachsen-Onhoijt unn Niedasachsn, de eanane Regierungsbeziak eascht in de letztn Joar aufglöst homn), de vierte Ziffa bezeichnet de Region unn de fünfte Ziffa an Stoodtkreis (kreisfreie Stoodt) oda an Londkreis (Kreis); unn de sechste, siebte unn åchte Ziffa bezeichnan de Gmoand oda a gmoandfreis Gbiat.

De easchtn finf Steijn wean aa oijs Kreisschlissl bzeichnet.

Beispuij:

08 1 11 000 = Stuttgart

• 08 Baden-Württemberg
• 1 Regierungsbezirk Stuttgart
• 1 Region Stuttgart
• 1 Stadtkreis Stuttgart
• 000 (Schtuagoat griagt oijs Stodtkreis de Gmoandschlisslendung 000)

15 3 52 002 = Aschersleben

• 15 Sachsen-Anhalt
• 3 ehemoijiga Regierungsbezirk Magdeburg
• 52 Landkreis Aschersleben-Staßfurt
• 002 Stadt Aschersleben

12 0 64 340 = Neuhardenberg

• 12 Brandenburg
• 0 (in Brandenburg gibts de Vawoijtungseiheit Regierungsbeziak néd)
• 64 Landkreis Märkisch-Oderland
• 340 Gemeinde Neuhardenberg

Teilgmoandkennziffa

De Teilgemeindekennziffer kennzeichnat de Teiloat, Oatsteij oda Stodtteij vo oana Gmoand in Bayern. De Zählung eafoijgt in da Regl oijphabetisch.

Bundeslända

De Zählung eafoijgt vo Noadn noch Südn (Numma 01-09), in chronologischa Zuaghäarigkeit zua Bundesrepublik Deitschlond (Numma 10) unn oijphabetischa Reinfoijg (Numma 11-16).

• 01 Schleswig-Hoijstoan
• 02 Freie unn Honsestodt Hambuag
• 03 Niadasochsn
• 04 Freie Honsestodt Breman
• 05 Noadrhei-Westfoijn
• 06 Hessn
• 07 Rheilond-Pfoijz
• 08 Bodn-Wiatembeag
• 09 Bayern
• 10 Soalond
• 11 Berlin
• 12 Brondnbuag
• 13 Mecklenbuag-Voapomman
• 14 Sochsn
• 15 Sochsn-Onhoijt
• 16 Thiringa

Weblinks

• destatis.de/... - Statistisches Bundesamt Deutschland: Oijgmoane Infoamationa
• destatis.de/... - Statistisches Bundesamt Deutschland: Kostelose Onlinesuach mit statistische Ongomn zua Bevöijkarung unn de Flächn.
• Gmoand- unn Gmaakungsschlissl vom Bundeslond Brondnbuag (pdf).

Äistareich

Aufbau

Da äistareichische Gmoandschlissl, teils aa oijs ÖSTAT-Numma bezeichnet, bstäht aus insgsomt fünf Ziffan, de se wia foijgt zammsetzan: De easchte Ziffa bezeichnet as Bundeslond (in oijphabetischa Reijnfoijg), de zweite unn dritte Ziffa bezeichnan den Beziak unn de vierte und fünfte Ziffer bezeichnan de Gmoand.

Beispuij:

3 25 21 = Rappottenstein

• 3 Niederösterreich
• 25 Bezirk Zwettl
• 21 Gemeinde Rappottenstein

9 07 01 = Wien-Neubau

• 9 Wien
• 07 Neubau (7. Bezirk)
• 01 -

Bundeslända

• 1 Burgenland
• 2 Kärnten
• 3 Niederösterreich
• 4 Oberösterreich
• 5 Salzburg
• 6 Steiermark
• 7 Tirol
• 8 Vorarlberg
• 9 Wien

Weblinks

• http://www.statistik.at/blickgem/index.jsp - Städtvazeichnis mit Gmoandschlissl

Schweiz

Des Schweiza Pendant zum Gmoandschlissl is de Gmoandnumma.

Siehe auch

• Fia Fronkreich: an Code Insee
• NUTS, de Systematik vo da Europäischn Union
• UN/LOCODE, de Systematik vo de Vaeinten Nationan
• Fia Japan: den Zenkoku Chihō Kōkyō Dantai Kōdo